site
stats
عالمی خبریں

امریکی وزیر خارجہ ریکس ٹلرسن نے دورہ بھارت کا اعلان

واشنگٹن : امریکی وزیر خارجہ ریکس ٹلرسن نے دورہ بھارت کا اعلان کردیا، ریکس ٹلرسن 24 اکتوبر کو بھارتی رہنماؤں سے ملاقات کریں گے۔

امریکی محکمہ خارجہ کے اعلامیہ کے مطابق امریکی وزیر خارجہ ریکس ٹلرسن بھارت کا دورہ کریں گے ، ریکس ٹلرسن اس دورے میں بھا رتی وزیر اعظم نریندرمودی،اوروزیرخارجہ سشما سوراج سے ملاقات کریں گے۔

امریکی وزیر خارجہ کےدورہ بھارت میں باہمی، علاقائی تعاون ،افغانستان کی صورتحال،دہشت گردی کیخلاف جنگ پر مذاکرات ہوں گے۔

ریکس ٹلرسن کا پاکستان کا دورہ بھی متوقع ہے تاہم امریکہ محکمہ خارجہ کی جانب سے پاکستان کے دورے کا اعلان نہیں کیا گیا۔

یاد رہے گذشتہ ماہ امریکی وزیر دفاع جیمز میٹس نے بھی بھارت کے دورے کیا تھا ، دورے کے دوران وزیراعظم نریندر مودی اور دیگر حکام کے ساتھ ملاقاتوں میں افغانستان کی صورتِ حال ، جنوبی ایشیا جنگی طیاروں کی فروخت اور فوجی ٹیکنالوجی کے تبادلے پر بھی بات چیت کی۔


مزید پڑھیں :  بھارت افغانستان میں کروڑوں ڈالرزکےمنصوبوں پرکام کررہاہے،امریکی وزیردفاع


دورہ بھارت کے بعد امریکی وزیر دفاع جیمزمیٹس کا اپنے بیان میں کہنا تھا کہ میراپہلادورہ بھارت ہے، دیکھنا چاہتا ہوں وہ کیا چاہتے ہیں، بھارت افغانستان میں انسداددہشت گردی اقدامات میں تعاون کررہاہے، بھارت افغانستان میں کروڑوں ڈالرزکے منصوبوں پر کام کررہا ہے۔

جیمزمیٹس نے کہا تھا کہ بھارت کے ساتھ تعلقات ہمیں دیگرملکوں سے علیحدہ نہیں کررہے، نئی پاک افغان پالیسی خطے کے چیلنجز کو مدنظر رکھ کر بنائی گئی، نئی افغان پالیسی اصل میں پوری جنوبی ایشیا کی پالیسی ہے۔

واضح رہے اس سے قبل جیمس میٹس نے بھارتی خفیہ ایجنسی را اور کالعدم تحریک طالبان پاکستان کے گٹھ جوڑ کا بھانڈا پھوڑا تھا اور کہا تھا کہ را اور طالبان کا میل جول اشارہ کرتا ہے کہ بھارت ٹی ٹی پی کو پاکستان میں دہشتگردی کے لئے استعمال کرتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top