site
stats
پاکستان

امور وزارت میں مداخلت پر وفاقی وزیر ریاض پیرزادہ مستعفی

اسلام آباد: امور وزارت میں مداخلت پر ن لیگی وفاقی وزیر برائے بین الصوبائی رابطہ ریاض حسین پیرزادہ طیش میں آگئے اور عہدے سے مستعفی ہوگئے۔

تفصیلات کے مطابق امور وزارت میں مداخلت پر لیگی وزیر ریاض حسین پیرزادہ شدید سیخ پا ہوئے اور اپنے ساتھی کی دخل اندازی پر عہدہ چھوڑ بیٹھے۔

وزیر بین الصوبائی رابطہ ریاض حسین پیرزادہ نےاستعفیٰ دے دیا۔ انہوں نے وزیر اعظم کے پرنسپل سیکریٹری فواد حسن فواد پر کرپشن کے الزامات بھی لگائے۔

وزیر اعظم کو پیش کیے گئے استعفیٰ میں ریاض حسین پیرزادہ نے مؤقف اختیار کیا کہ پر کاٹ کر سوال کیا جا رہا ہے کہ اڑتے کیوں نہیں؟ وزارت ایسے نہیں چلتی، کرپٹ لوگ غریبوں کو کرپٹ کہہ رہے ہیں۔

انہوں نے کہا کہ گدھ پاکستان اسپورٹس بورڈ پر نظریں گاڑے بیٹھے ہیں۔ نیب نے فواد حسن کے خلاف چپ کیوں سادھی ہوئی ہے؟

ریاض حسین پیرزادہ کا کہنا تھا کہ اختر گنجیرا کو کھلاڑیوں کے تحفظ کے لیے بھارت بھیجا۔ وزیر اعظم کے سیکریٹری نے چوہدری نثار کی بیٹی کو بھارت بھیجنے پر سوال نہیں اٹھایا تو اختر گنجیرا کے معاملے پر شور مچانے کی کیا ضرورت ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top