مزیدار رائس بالز بنانے کی ترکیب -
The news is by your side.

Advertisement

مزیدار رائس بالز بنانے کی ترکیب

رمضان میں افطار کے وقت روزانہ پکوڑے کھا کر یقیناً آپ اکتا گئے ہوں گے اسی لیے ہم آج آپ کو رائس بالز بنانے کی آسان ترکیب بتا رہے ہیں جسے آپ روزانہ افطار کے لیے با آسانی تیار کرسکتے ہیں۔

:رائس بالز بنانے کی ترکیب

:اجزا

چاول ایک کپ: 3 کنی ابلے ہوئے

چکن: 1 کپ ابلی ہوا

نمک: حسب ذائقہ

کالی مرچ: 1 چائے کا چمچ پسی ہوئی

ہرا دھنیہ: باریک کٹا ہوا حسب ضرورت

ہری مرچ: 2 سے 3 عدد

چکن پاؤڈر: 1 چائے کا چمچ

زیرہ: ایک چائے کا چمچ بھنا اور پسا ہوا

بند گوبھی: 1 کپ باریک کٹی ہوئی

چیڈر چیز: 200 گرام کیوبز میں کٹی ہوئی

میدہ: آدھا کپ

نمک: آدھا چائے کا چمچ

کالی مرچ: آدھا چائے کا چمچ

انڈے: 3 عدد، 2 پھنٹے ہوئے

بریڈ کرمبز: 1 پیالی

:ترکیب

سب سے پہلے چاول اور چکن کو چوپر میں اچھی طرح چوپ کرلیں۔

پھر اس میں 1 عدد انڈا، نمک، کالی مرچ، ہرا دھنیہ، ہری مرچ، چکن پاؤڈر اور زیرہ ڈال کر اچھی طرح پیس لیں۔

اب اس مکسچر کو پیالے میں نکال لیں اور اس میں بند گوبھی شامل کر کے مکس کریں۔

پھر اس مکسچر کو ہاتھوں کی مدد سے پھیلا کراس میں چیز کا کیوب رکھ کر بال بنا لیں۔

اب ایک پیالے میں میدہ ڈال کر اس میں کالی مرچ اور نمک ڈال کر مکس کرلیں اور بالز کو میدہ میں کوٹ کر کے پھینٹے ہوئے انڈے میں ڈپ کریں اور پھر بریڈ کرمبز میں کوٹ کرلیں۔

ایک پین میں تیل گرم کر کے ہلکی آنچ پر اس میں بالز کو ڈیپ فرائی کرلیں اور سنہری کر کے نکال لیں۔

گرما گرم رائس بالز تیار ہیں، کیچپ یا املی اور پودینے کی چٹنی کے ساتھ پیش کریں۔

Comments

comments

یہ بھی پڑھیں