The news is by your side.

ریچا چڈھا اور علی فضل بہت جلد رشتہ ازدواج میں منسلک ہوجائیں گے

ممبئی : بالی ووڈ انڈسٹری کی دو معروف اور پرکشش شخصیات اداکارہ ریچا چڈھا اور اداکار علی فضل اس ماہ شادی کے بندھن میں بندھ جائیں گے۔

بھارتی میڈیا کی رپورٹ کے مطابق دونوں اداکار اسی ماہ ستمبر کے آخری ایام میں شادی کرنے جارہے ہیں، شادی کی تقریبات دہلی سے شروع ہوں گی اور اکتوبر کے پہلے ہفتے کے دوران ممبئی میں ختم ہوجائیں گی۔

فلم فکرے سے مشہور ہوئی جوڑی علی فضل اور ریچا چڈھا کے مداحوں کے لیے ایک خوشخبری ہے۔ یہ جوڑی جلد شادی کرنے والی ہے۔

ذرائع سے ملنے والی تازہ اطلاعات یہ ہیں کہ شادی کی رسم ساؤتھ ممبئی ہوٹل میں ہوگی، تاحال ریچا اور علی نے اس حوالے سے میڈیا کو کوئی بیان نہیں دیا ہے۔

واضح رہے کہ ان دونوں کی  محبت کی کہانی فلم فکرے (2013) کے سیٹ سے شروع ہوئی تھی ۔

ان دونوں کو سال 2020ء میں شادی کی تقریب منعقد کرنا تھی تاہم کورونا وائرس عالمی وبا کے باعث ان تقریبات کو ملتوی کردیا گیا تھا۔

پریمئیر میں ریچا اور علی ریڈ کارپیٹ پر ایک دوسرے کا ہاتھ تھامے نظر آئے تھے۔

پچھلے مہینے ایک انٹرویو میں ریچا چڈھا نے کہا تھا کہ شادی ہوجائے اس سال ہوجائے گی، کسی طرح سے کرلیں گے۔

واضح رہے کہ علی فضل اور ریچا چڈھا 2015ء سے ڈیٹنگ کر رہے ہیں، انہوں نے اپنے تعلق کے متعلق 2017میں تصدیق کی تھی۔

Comments

یہ بھی پڑھیں