اسلام آباد : برطانوی شاہی جوڑے کو پاکستان آمد پر سوشل میڈیا پر پرنس ولیم اور کیٹ مڈلٹن کےہیش ٹیگ ٹاپ ٹرینڈمیں شامل ہوگئے ہیں جبکہ جوڑے کو خوش آمدید کہنے کے لئے رکشے برطانوی اور پاکستانی جھنڈے سے سجا دیئے گئے۔
تفصیلات کے مطابق پاکستان میں برطانوی ہائی کمیشن سماجی رابطے کی ویب سائٹ ٹوئٹر پر برطانوی جوڑے کو خوش آمدید کہنے کے لیے راولپنڈی اور لاہور میں رکشوں کو نقش و نگار، تصاویر اور عبارات سے آراستہ کرنے کی ایک ویڈیو بھی شیئر کی۔
Two more days to go to #RoyalVisitPakistan! A taste of the sights and sounds to look forward to. https://t.co/uRFcd6DwUK
— Thomas Drew (@TomDrewUK) October 12, 2019
رکشوں پر پاکستان اور برطانیہ کے جھنڈے کو انتہائی خوبصورتی سے پینٹ کیا گیا ہے جبکہ رکشوں پر شاہی جوڑے کے لیے خیر مقدمی کلمات کے ساتھ ساتھ موروں کی تصاویر بنائی گئی ہیں۔
دوسری جانب شاہی جوڑے کی پاکستان آمد پر پاکستانی پرجوش ہے ، پرنس ولیم اور کیٹ مڈلٹن کےہیش ٹیگ ٹاپ ٹرینڈمیں شامل ہوگئے، صارفین اپنے اپنے انداز میں برطانوی شاہی جوڑے کو خوش آمدید کہہ رہے ہیں۔
پاکستانی کرکٹر محمد حفیظ نے لکھا کہ وہ برطانوی شاہی جوڑے کو اپنے پیارے ملک پاکستان میں خوش آمدید کہتے ہیں اور شاہی خاندان سے ملنے کے اعزاز کا انتظار کر رہے ہیں۔
Welcome 💐 to Duke & Duchess of Cambridge in my beloved Country Pakistan 🇵🇰, Looking Forward to Get the Honour to Meet Royal Family soon , #RoyalVisitPakistan https://t.co/c84XdKwoWX
— Mohammad Hafeez (@MHafeez22) October 13, 2019
خیال رہے شاہی جوڑا پانچ روزہ دورےپرآج شب پاکستان پہنچ رہا ہے، برطانوی شاہی جوڑے کی شانداراستقبال کی تیاریاں مکمل کرلی گئیں ہیں، وفاقی وزراء، دفترخارجہ اوربرطانوی ہائی کمیشن کے حکام شاہی جوڑے کا ریڈ کارپٹ استقبال کریں گے، گارڈآف آنر بھی پیش کیا جائے گا۔
برطانوی شاہی جوڑے کے دورہ پاکستان پر پاکستانی قوم کی تیاریاں عروج پر ہیں، راولپنڈی اور لاہور میں رکشوں کو خیر مقدمی پینٹنگز سے سجا دیا گیا۔
