سابق آسٹریلوی کپتان و کمنٹیٹر رکی پونٹنگ نے قومی ٹیم کے کپتان بابر اعظم کے کیریئر سے متعلق بڑی پیش گوئی کردی۔
آسٹریلیا کے مایہ ناز سابق بیٹر رکی پونٹنگ نے کہا کہ بابر اعظم بہترین بیٹر ہیں وہ فاسٹ بولر کو اچھا کھیلتے ہیں اور ہر طرح کی کنڈیشن میں خود کو ڈھال لیتے ہیں ان کا کیریئر ابھی مزید پروان چڑھے گا۔
انہوں نے کہا کہ اکثر کرکٹر تیس سال کے بعد عروج حاصل کرتے ہیں لیکن انہوں نے اس عمر میں ہی وہ مقام حاصل کرلیا ہے، بابر کیریئر کے اختتام پر دنیا کے عظیم کھلاڑیوں میں شمار ہوں گے۔
پونٹنگ کا کہنا تھا بابر کی کپتانی میں بھی وقت کے ساتھ بہتری آئے گی، تجربے کے ساتھ بابر اعظم کپتانی میں وہ مقام حاصل کر لیں گے جو بیٹنگ میں حاصل کیا، بابر اعظم کیرئیر کے اختتام پر دنیا کے عظیم کھلاڑیوں میں شمار ہوں گے۔
👊 @babarazam258 at his best.#LoveLords | @TheRealPCB pic.twitter.com/zJCP7aXZoR
— Lord's Cricket Ground (@HomeOfCricket) January 27, 2023
سابق آسٹریلوی کپتان کا مزید کہنا تھا بابر ٹیسٹ میں طویل اننگز کھیلتے ہیں اور ون ڈے میں اننگز پر حاوی رہتے ہیں، ٹیم کی ضرورت کے مطابق ان کے رنز بنانے کی رفتار کا بدلنا بھی زبردست صلاحیت ہے۔
رکی پونٹنگ کا کہنا تھا بابر اعظم کی بہترین کرکٹ کا سامنے آنا ابھی باقی ہے انہیں بیٹنگ کرتا دیکھ کر اچھا لگتا ہے۔
