سڈنی: آئی سی سی ٹی ٹوئنٹی میں آج پاکستان جنوبی افریقا کیخلاف ڈو اینڈ ڈائی میچ میچ میں ٹکرائیں گے۔
اس سنسنی خیز مقابلے کا انتظار دنیا بھر میں کرکٹ شائقین کو ہے وہی جنوبی افریقی بیٹر نے بھی میچ سے قبل ایک ٹوئٹ کی ہے۔
رائیلی روسو نے ٹوئٹر پر اپنے تصدیق شدہ اکاؤنٹ سے جاری بیان میں لکھا کہ آج کچھ اچھے اور پرانے دوستوں کے خلاف بڑی جنگ ہے جو کہ ایک حیرت انگیز تجربہ ثابت ہوگا۔
رائیلی روسو نے مداحوں سے میچ کے حوالے سے سوال بھی کیا اور پوچھا کہ آج کے مقابلے میں جنوبی افریقا اور پاکستان میں سے کون فاتح قرار پائے گا؟ یا پھر آپ کرکٹ کو ووٹ دیں گے۔
Big battle today against some good old friends it’s going to one amazing experience!!! Who’s going to WIN tonight?? 🇿🇦 or 🇵🇰 or are you voting for cricket 🏏 😁??
— Rilee Rossouw (@Rileerr) November 3, 2022
واضح رہے کہ آسٹریلیا میں کھیلے جا رہے ٹی 20 ورلڈ کپ کے سپر 12 مرحلے میں پاکستان اور جنوبی افریقہ آج ڈو اینڈ ڈائی میچ میں ٹکرائیں گے۔
پاکستانی وقت کے مطابق میچ دوپہر ایک بجے سڈنی کرکٹ گراؤنڈ میں شروع ہوگا، میچ میں پاکستان کی فتح اس کے سیمی فائنل میں پہنچنے امکانات روشن رکھے گی اور شکست اسے ٹورنامنٹ سے باہر کردے گی جب کہ جنوبی افریقہ سیمی فائنل میچ میں پہنچ جائے گا۔
