خواتین کسی تقریب میں جانے سے قبل یہ سوچنے پر مجبور ہوتی ہیں کہ کس طرح کا میک اپ خود سے کیا جائے لیکن اب اداکارہ رمہا احمد نے میک اپ کرنے کا آسان طریقہ بتادیا ہے۔
اے آر وائی ڈیجیٹل کے پروگرام ’گڈ مارننگ پاکستان‘ میں رمہا احمد نے شرکت کی اور میزبان ندا یاسر اور مداحوں کو خود سے میک اپ کرنے کا طریقہ بتایا۔
رمہا احمد نے بتایا کہ ’کبھی مجھے بالکل بھی میک اپ نہیں کرنا ہوتا تو میں ’سن بلاک‘ لگا لیتی ہوں، اگر سیٹ پر جاتی ہوں تو کیمرے کی وجہ فاؤنڈیشن لگانی پڑتی ہے تو میں فینٹی بیوٹی کا پرو فلٹر (بیس) لگاتی ہوں یہ بہت لائٹ ہے۔‘
اداکارہ نے کہا کہ وہ اسٹارٹ کا کنسیلر بھی استعمال کرتی ہیں یہ آنکھوں کے نیچے لگاتی ہیں اور جہاں ڈارک سائیڈز ہوتی ہیں وہاں لگالیتی ہیں۔
انہوں نے کہا کہ اگر ایسا کرنا ہوتا ہے کہ لگے ناں کہ میک اپ کیا ہوا ہے تو اس کے لیے ’ڈیو فنش‘ لگالیتی ہوں۔
واضح رہے کہ رمہا احمد نے حال ہی میں اے آر وائی ڈیجیٹل کے ڈرامہ سیریل ’مقدر کا ستارہ‘ میں اداکاری کے جوہر دکھائے تھے۔