The news is by your side.

Advertisement

ریو ڈی جنیرو میں جاری اولمپکس مقابلوں میں پاکستان کا سفر ختم ہوگیا

ریو ڈی جنیرو : جاری اولمپکس مقابلوں میں پاکستان کا سفر ختم ہوگیا، تمام ہی ایتھلیٹ خاطر خواہ کارکردگی دکھانے میں ناکام رہے۔

ریو اولمپکس میں پاکستان کا مختصر دستہ مختصر وقت میں ہی باہر ہوگیا، تمام سات ایتھلیٹ کوالیفائنگ راونڈ سے بھی آگے نہ گئے، پاکستانی ایتھلیٹ نجمہ پروین خواتین کی دو سو میٹر دوڑ میں بہتر کھلاڑیوں میں سترویں نمبر پر رہیں۔

pak-2

اس سے قبل پاکستانی جوڈو کے کھلاڑی حسین شاہ سو کلوگرام کیٹیگری کے دوسرے راؤنڈ میں یوکرینی کھلاڑی سے زیر ہوئے۔

pak-5

pak-3

پاکستانی تیراک حارث بانڈے اور شوٹر مناہل سہیل پہلے ہی روز اولمپکس مقابلوں سے باہر ہوگئے تھے۔

pak-7

pak-1

پاکستانی شوٹر غلام مصطفی بشیر پچیس میٹر ریپڈ فائر پسٹل مقابلے میں کوالیفائی نہ کرسکے جبکہ تیراک لیانا سوان پچاس میٹر فری اسٹائل تیراکی کے مقابلوں میں قابل ذکر کارکردگی نہ دکھا سکیں۔

pak-6

چار سو میٹر کے دوڑ میں پاکستانی ایتھلیٹ محبوب علی بھی پہلے راؤنڈ سے آگے نہ بڑھ سکے۔

پاکستان نے اولمپکس مقابلوں میں آخری بار طلائی تمغہ سنہ انیس سو چوراسی کے لاس اینجلس اولمپکس میں ہاکی کے میدان میں جیتا تھا، اس کے بعد سے اولمپکس سے کوئی بڑی خوشخبری نہیں آئی۔

Print Friendly, PDF & Email

Comments

comments

یہ بھی پڑھیں