ریو اولمپکس : ہاکی میں ارجنٹینا پہلی مرتبہ چیمپیئن بن گیا -
The news is by your side.

Advertisement

ریو اولمپکس : ہاکی میں ارجنٹینا پہلی مرتبہ چیمپیئن بن گیا

ریو ڈی جنیرو: ریو اولمپکس میں ہاکی کے فائنل میں ارجنٹینا نے بیلجیئم کو دو کے مقابلے میں چار گول سے شکست دے کر پہلی مرتبہ ہاکی میں طلائی تمغہ جیت لیا.

تفصیلات کےمطابق میچ کے ابتدائی لمحات میں بیلجیئم کے ٹنگئے کوسنس نے گول کر کے اپنی ٹیم کو برتری دلا دی تھی لیکن اس کے بعد ارجنٹینا کی ٹیم پوری طرح کھیل پر چھائی رہی اور ہاف ٹائم سے پہلے تین گول کر دیے.

ارجنٹینا کی طرف سے باپلو ابرا، اگناشیو ارتز اور گونزالو پیلٹ نے بیلجیئم کے خلاف گول کیے.

بیلجیئم نے میچ میں اپنی گرفت دوبارہ مضبوط کرنے کی بھرپور کوشش کی اور گودیئر بوکارڈ نے ایک گول کر کے اس برتری کو کم کرنے کی کوشش کی.تاہم میچ کے آخری لمحات میں ارجنٹینا کے آگسٹن مزیلی نے گول کرکے ارجنٹینا کی فتح یقینی بنا دی.

یاد رہے کہ ریو المپکس میں ہاکی کے میدان میں طلائی تمغہ حاصل کرنے والی ارجنٹینا کی ٹیم اس سے پہلے کبھی بھی اولمپکس مقابلوں میں سیمی فائنل تک بھی رسائی حاصل نہیں کر سکی تھی.

واضح رہے کہ بیلجیئم کی ٹیم نے بھی پہلی مرتبہ اولمپکس مقابلوں میں فائنل کے لیے کوالیفائی کیا تھا اور ہاکی کے مقابلوں میں سنہ 1920 میں کانسی کا تمغہ حاصل کرنے کے بعد اس کا یہ دوسرا تمغہ ہے.

Comments

comments

یہ بھی پڑھیں