The news is by your side.

Advertisement

ریو اولمپکس،امریکی پیراک مائیکل فیلپس نے 22واں گولڈ میڈل جیت لیا

ریو اولمپکس میں امریکی پیراک مائیکل فیلپس نے چوتھا اور کیرئیر کا ریکارڈ بائیسواں گولڈ میڈل جیت لیا، امریکہ سولہ طلائی تمغوں کے ساتھ میڈلز ٹیبل پر سرفہرست ہے۔

سوئمنگ کی تاریخ کے کامیاب ترین پیراک مائیکل فیلپس نے ایک اور اعزاز اپنے نام کرلیا، مائیکل فیلپس مسلسل چار ایونٹس کی ایک ہی کیٹگری میں گولڈ میڈل جیتنے والے پہلے سوئمر بن گئے۔

rio-2

امریکی پیراک نے دو سو میٹر انفرادی میڈلے میں عمدہ کارکردگی دکھائی اور موجودہ ایونٹ میں مسلسل چوتھا اور کیرئیر کا بائیسواں گولڈ میڈل جیت لیا، انھوں نے 2004، 2008 اور 2012 کے اولمپکس میں بھی اس ریس میں کامیابی حاصل کی تھی۔

امریکی سوئمر بائیس گولڈ کے علاوہ اولمپکس میں دو چاندی اور دو کانسی کے تمغے بھی حاصل کرچکے ہیں۔

دوسری جانب رگبی میں فجی نے برطانیہ کو ہراکر پہلا گولڈ میڈل حاصل کیا، رگبی سیون میں کانسی کا تمغہ جنوبی افریقہ کو ملا جس نے جاپانی ٹیم کو شکست دی۔

rio-5

جمناسٹک میں امریکہ کی سائمن بائلز بہترین ایتھلیٹ قرار پائیں۔

rio-4

rio-7

ریو اولمپکس میں چھٹے روز امریکہ سولہ گولڈ اور مجموعی طور پر اڑتیس میڈلز کے ساتھ سرفہرست ہے۔ چین کا گیارہ طلائی تمغوں کے ساتھ دوسرا نمبر ہے۔

Print Friendly, PDF & Email

Comments

comments

یہ بھی پڑھیں