site
stats
کھیل

اولمپکس میں گولڈ میڈل جیتنے والے امریکی تیراک رائن لوکٹی سمیت تین کھلاڑی لٹ گئے

ریو ڈی جنیرو :ریو اولمپکس میں طلائی تمغہ جیتنے والے امریکی تیراک اور دیگر تین کھلاڑی لٹ گئے۔

برطانوی خبر رساں ادارے کے مطابق امریکی تیراک رائن لوکٹی، جیمی فیجن، جیک کونگر، گونر بنٹز کو مسلح افراد نے ریو میں لوٹ لیا،چاروں کھلاڑی فرانسیسی ٹیم کے ایک پروگرام میں شرکت کے بعد ٹیکسی میں واپس جا رہے تھے کہ راستے میں پولیس کی وردی میں ملبوس ڈاکوؤں نے روک کر لوٹ لیا۔

ڈاکوؤں نے مسلح پولیس کی وردی پہن رکھی تھی اور کھلاڑیوں سے رقم اور دیگر استعمال کی اشیا کا مطالبہ کیا۔

امریکی اولمپک کمیٹی نے واقعے کی تصدیق کردی ہے۔

ریو میں اس سے قبل اسپین کی کشی رانی کی ٹیم کے تین ارکان اور آسٹریلیا کے معذور کھلاڑی کو بندوق کی نوک پر لوٹا جا چکا ہے۔

ریو میں اولمپکس کے دوران حکام نے فوج اور پولیس کے 80 ہزار اہلکار سکیورٹی پر تعینات کیے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top