site
stats
سندھ

رسالہ کا ماڈل تھانہ ڈیڑھ ماہ بعد ہی خستہ حالی کا شکار

کراچی : رینجرر کی جانب سے بنایا جانے والے جدید رسالہ ماڈل تھانہ ڈیڑھ مہینے میں ہی پولیس افسران اور عملے کی غفلت کا شکار ہوگیا۔ ڈی جی رینجرز سندھ نے تئیس مارچ کو جدید ماڈل تھانے کا افتتاح کیا تھا۔

تفصیلات کے مطابق رینجرز کی جانب سے بنایا گیا رسالہ تھانہ ڈیڑھ ماہ میں بعد ہی روایتی تھانے کا منظر پیش کرنے لگا، رینجرز نے رسالہ تھانے کو جدید ماڈل کی شکل دی تھی۔

پولیس نے ماڈل تھانہ کو کچراخانہ بنانا شروع کردیا، شہری بھی ماڈل تھانے میں پولیس کی وہی پرانی روش کی شکایت کرتے نظر آئے، رینجرز کی جانب سے بنائے گئے جدید ماڈل تھانے میں تعینات سندھ پولیس کے کسی اہلکار کے پاس کسی سوال کا کوئی مناسب جواب نہیں تھا۔

مزید پڑھیں : کراچی: رینجرز کے تعاون سے تھانہ رسالہ جدید ماڈل میں‌ تبدیل

ڈی جی رینجرز میجر جنرل محمد سعید نے23 مارچ کورسالہ ماڈل تھانے کا افتتاح کیا تھا جسے دیکھ کر کسی ملٹی نیشنل کمپینی کے دفترکا گمان ہوتا تھا مگراب جگہ جگہ گندگی ،دھول مٹی، کوڑا ، فرش پرپان کی پیکوں کے نشانات واضح دیکھے جاسکتے ہیں۔

رسالہ تھانے کے افسران اور عملے کی بے حسی کی داستان سنارہے ہیں۔ واضح رہے کہ رسالہ تھانہ سنہ 1948میں قائم کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top