مانچسٹر: لنکا شائر پولیس نے برطانوی وزیر اعظم رشی سناک کو سیٹ بیلٹ نہ باندھنے پر جرمانہ کر دیا۔
تفصیلات کے مطابق برطانوی وزیر اعظم رشی سناک پر سوشل میڈیا ویڈیو بنانے کے دوران چلتی کار میں سیٹ بیلٹ نہ باندھنے پر جرمانہ عائد کر دیا گیا۔
برطانوی وزیر اعظم رشی سناک نے لنکا شائر میں اپنے دورے کے بعد ویڈیو پیغام جاری کیا تھا، اور اپنی غلطی پر معذرت کی تھی، تاہم لنکا شائر پولیس نے ویڈیو کلپ سامنے آنے کے بعد وزیر اعظم پر جرمانہ کر دیا۔
وزیرا عظم ہاؤس نے کہا ہے کہ رشی سناک مکمل طور پر تسلیم کرتے ہیں کہ یہ ایک غلطی تھی اور انھوں نے معافی بھی مانگ لی ہے اور وہ جرمانہ ادا کریں گے۔
برطانوی وزیراعظم نے چلتی کار میں سیٹ بیلٹ نہ پہننے پر معذرت کرلی
برطانیہ میں سیٹ بیلٹ نہ باندھنے والے مسافروں کو دستیاب ہونے پر 100 پاؤنڈ جرمانہ کیا جا سکتا ہے، اگر کیس عدالت میں جاتا ہے تو یہ 500 پاؤنڈ تک بڑھ سکتا ہے۔
UK Prime Minister Rishi Sunak has been fined for not wearing a seatbelt in a moving car while filming a social media video.
Cc: @BBCNews #GHOneNews pic.twitter.com/sgw1ldUXSH
— GHOne TV (@GHOneTV) January 20, 2023
وزیر اعظم رشی سناک انگلینڈ کے شمال میں سفر کے دوران لنکا شائر میں تھے جب ویڈیو بنائی گئی، اس کا مقصد برطانیہ میں تمام شہریوں کو یکساں مواقع کی فراہمی کی پالیسی کے لیے اخراجات کا حصول ہے، یہ ویڈیو سناک کے انسٹاگرام اکاؤنٹ پر پوسٹ کی گئی تھی۔
یاد رہے کہ یہ دوسری بار ہے جب سناک کو حکومت میں رہتے ہوئے مقررہ جرمانے کا نوٹس ملا ہے، اس سے قبل انھیں میٹ پولیس لاک ڈاؤن قوانین کی خلاف ورزی پر بھی جرمانہ کیا جا چکا ہے۔
