The news is by your side.

Advertisement

کیویز کیخلاف ٹی 20 سیریز میں بابر کی جگہ کون اوپننگ کریگا؟

آکلینڈ: نیوزی لینڈ کے خلاف ٹی 20 سیریز سے قبل قومی ٹیم کے کپتان بابر اعظم زخمی ہوکر سیریز سے باہر ہوگئے۔

تفصیلات کے مطابق قومی ٹیم کو کیویز کے خلاف سیریز سے قبل دھچکا لگا ہے ، بابر اعظم انگوٹھے میں فریکچر ہونے کے سبب سیریز سے باہر ہوگئے، عبداللہ شفیق کی جگہ بابر کو اوپننگ کرنا تھی لیکن اب اطلاعات سامنے آرہی ہیں کہ عبداللہ شفیق کے ساتھ وکٹ کیپر محمد رضوان کو اوپننگ کروانے کا فیصلہ کیا گیا ہے۔

ذرائع کا کہنا ہے کہ محمد رضوان کے اننگز کا آغاز کرنے کا قومی امکان ہے، وہ 28 سالہ عبداللہ شفیق کے ساتھ اوپننگ کرنے میدان میں اتریں گے، عبداللہ شفیق نے زمبابوے کے خلاف ڈیبیو میچ میں 41 رنز کی ذمہ دارانہ اننگز کھیلی تھی۔

بابراعظم کی جگہ متبادل پلان کیا ہوگا؟

دوسری جانب اوپنر ذیشان ملک کی اسکواڈ میں شمولیت کا امکان ہے، ذیشان نے جمعے کے روز انٹرا اسکواڈ پریکٹس میچ میں شاندار نصف سنچری اسکور کی تھی۔

پہلے ٹی 20 میچ میں لیگ اسپنر شاداب خان کی شمولیت کی فٹنس پر مشروط ہے، اگر شاداب فٹ ہوجاتے ہیں تو وہ ٹیم کی قیادت کے فرائض انجام دیں گے۔

ذرائع کے مطابق اگر شاداب ان فٹ رہے تو محمد رضوان کپتانی کے مضبوط امیدوار ہیں، محمد رضوان نے نیشنل ٹی 20 کپ میں خیبرپختونخوا کی قیادت کی تھی۔

پی ایس ایل فائیو میں کراچی کنگز کو چیمپئن بنوانے والے عماد وسیم اور آل راؤنڈر محمد حفیظ کے نام بھی کپتانی کے زیر غور ہیں۔

Comments

یہ بھی پڑھیں