The news is by your side.

Advertisement

‏’رضوان میچ سے ایک رات پہلےاسپتال میں تھے‘‏

پاکستان ٹیم کے کوچ میتھیوہیڈن نے بلے بازوں کی شاندار بیٹنگ کو سراہتے ہوئے کہا ہے کہ گرین شرٹس کی ‏بیٹنگ دیکھ کر بہت مزہ آیا۔

آسٹریلیا کے خلاف ورلڈکپ ٹی ٹوئنٹی کے سیمی فائنل میں پاکستانی بیٹنگ پر گفتگو کرتے ہوئے میتھیوہیڈن نے ‏کہا کہ رضوان میچ سے ایک رات پہلےاسپتال میں تھا بابر اعظم کی طرح رضوان فائٹر ہے بہت زبردست کھیلا۔

انہوں نے کہا کہ پاکستان نےپلان کےحساب سےبیٹنگ کی پاکستانی ٹیم کےپاس ایک زبردست موقع ہے گرین ‏شرٹس کےساتھ کام کر کےبہت مزہ آ رہا ہے۔

میتھیوہیڈن نے کہا کہ ورلڈ کپ کےتمام میچوں میں پاکستان نے بہترین بیٹنگ کی ہے بابراعظم اور رضوان کی ‏بیٹنگ قابل تعریف ہے۔

میڈیکل پینل نے تفصیلی معائنے کے بعد شعیب ملک اور محمد رضوان کو مکمل فٹ قرار دیتے ہوئے انہیں آج کا ‏میچ کھیلنے کی اجازت دی۔ ‏

گذشتہ روز دونوں کھلاڑیوں نے فلو اور بخار کے باعث ٹریننگ سیشن میں حصہ نہیں لیا تھا، جس کے بعد چہ ‏مگوئیاں شروع ہوگئی تھی کہ شعیب ملک اور محمد رضوان کینگروز کے خلاف سیمی فائنل کا حصہ نہیں ہونگے ‏تاہم دونوں کھلاڑی آج مکمل طور پر فٹ تھے اور انہوں نے آج کے اہم ترین میچ کے لئے اپنی دستیابی کے لئے ‏ٹیم مینجمنٹ کو آگاہ کیا تھا۔

Comments

یہ بھی پڑھیں