راولپنڈی : آرمی چیف جنرل راحیل شریف کا افغان صدر اشرف غنی کو ٹیلیفون -
The news is by your side.

Advertisement

راولپنڈی : آرمی چیف جنرل راحیل شریف کا افغان صدر اشرف غنی کو ٹیلیفون

راولپنڈی : آرمی چیف جنرل راحیل شریف کا افغان صدر اشرف غنی کو ٹیلیفون، پاکستانی ہیلی کاپٹر کے عملے کی جلداور بحفاظت واپسی پر بات چیت ہوئی.

تفصیلات کے مطابق پاک فوج کے سربراہ جنرل راحیل شریف نے افغان صدر اشرف غنی کو ٹیلیفون کیا اور لوگر میں ہنگامی لینڈنگ کرنے والے پاکستانی ہیلی کاپٹر کے عملے کی جلداور بحفاظت واپسی پر بات چیت کی.

افغان صدر اشرف غنی نےآرمی چیف جنرل راحیل شریف کو مکمل تعاون کی یقین دہانی کرائی ہے.

یاد رہے کہ پنجاب حکومت کے ہیلی کاپٹر نے گزشتہ روز لوگر میں ہنگامی لینڈنگ کی تھی.

آرمی چیف جنرل راحیل شریف نے اس سے قبل افغانستان میں موجود امریکی جنرل نیکولسن کو ٹیلیفون کرکے پنچاب حکومت کے ہیلی کاپٹر کے عملے کی بازیابی پر بات تھی جبکہ جنرل نیکولسن نے آرمی چیف کو مکمل تعاون کی یقین دہانی کرائی تھی.

*کابل : افغان طالبان کا پاکستانی ہیلی کاپٹرکے حوالے سے لاعلمی کا اظہار

واضح رہے کہ اس سے قبل آج صبح افغان طالبان نے پنجاب حکومت کے ہیلی کاپٹر کے حوالے سے لاعلمی کا اظہار کیا تھا.

Comments

comments

یہ بھی پڑھیں