site
stats
پاکستان

کرک، بس اور آئل ٹینکر کے تصادم میں 13 افراد ہلاک اور 35 زخمی

کرک: خیبر پختونخواہ کے علاقے کرک کی انڈس ہائی وے پر مسافر بس سامنے سے آتے ہوئے آئل ٹینکر سے ٹکرا گئی،جس کے نتیجے میں 13 افراد جاں بحق اور 35 زخمی ہو گئے ہیں۔

تفصیلات کے مطابق بدقسمت مسافر بس کراچی سے پشاور جارہی تھی کہ کہ انڈس ہائی وے پر سامنے سے آتے تیز رفتار آئل ٹینکر سے ٹکرا گئی، تصادم اتنا شدید تھا کہ مسافر بس مکمل طور پر تباہ ہو گئی،اور آئل ٹینکر میں آگ بھڑک اُٹھی۔

حادثے میں زخمی ہونے والوں کو ریسکیو ادرے نے فوری طبی امداد کے لیے قریبی ہسپتال منتقل کیا،جہاں ڈاکٹرز نے 13 افراد کے ہلاک ہونے کی تصدیق کر دی،جب کہ 35 افراد زخمی ہیں۔

ڈسٹرکٹ تعلقہ ہسپتال کی انتظامیہ کے مطابق ہلاک ہونے والوں میں 6 بچے،5 مرد اور 2 خواتین شامل ہیں، جب کہ زخمی ہونے والوں میں 4 کی حالت نہایت تشویشناک ہے۔

پولیس کے مطابق فوری طور حادثے کی وجوہات کا تعین نہیں کیا جاسکا ہے،ہلاک ہونے والوں کا پوسٹ مارٹم کیا جارہا ہے اورزخمیوں کو طبی امداد دی جا رہی ہے،اس کے بعد ہی زخمیوں کےبیانات قلم بند کیے جا سکیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top