site
stats
بلوچستان

ڈیرہ مرادجمالی،مسافر ویگن اور ٹرالر میں تصادم سے 2 افراد جاں بحق،19 زخمی

کوئٹہ : ڈیرہ مرادجمالی کے قریب قومی شاہراہ پرتیزرفتارٹرالراورمسافرویگن میں تصادم کے نتیجے میں دو افراد ہلاک اور 19 مسافر شدید زخمی ہو گئے ہیں۔

تفصیلات کے مطابق ڈیرہ مراد جمالی کے قریب قومی شاہراہ پرمسافربس اور تیز رفتار ٹرالر کے درمیان خوفناک تصادم ہوا ہے،تصادم اتنا شدید تھا کہ مسافر بس مکمل طور ہر تباہ ہوگئی اور اُس میں سوار 2 افراد موقع پر ہی جاں بحق ہوگئے جب کہ خواتین اوربچوں سمیت 19مسافر شدید زخمی ہوگئے ہیں۔

ذرائع کے مطابق حادثہ ڈیرہ مرادجمالی کے قریب نوتال کے مقام پرقومی شاہراہ پر پیش آیا جہاں جیکب آبا دسے کوئٹہ جان والی مسافرویگن مخالف سمت سے آنے والے تیزرفتارٹرالر سے ٹکرا گئی جس کے نتیجے میں دوافراد عبدالبقاء اورظفر موقع پر ہی جاں بحق ہوگئے۔

جب کہ حادثے میں پانچ خواتین اور دوبچوں سمیت 19مسافرشدیدزخمی ہوگئے،زخمیوں میں ذاکرحسین، مظفرحسین، عبدالباسط، کبیراحمد،ثناء اللہ،غلام یاسین،محمد عارف،علی گل،امیر حمزہ ،سمیرہ ،نورین،سویرا،مائی رانی،شمیلہ، عدنان احمد شامل ہیں۔

حادثہ کی اطلاع ملتے ہی ریسکیو ادارے اور لیویز کے اہلکاروں نے امدادی کارروائیاں شروع کردیں اور زخمیوں کو قریبی اسپتال منتقل کردیا گیا جہاں دو افراد کے جاں بحق ہونے کی تصدیق کردی گئی جب کہ زخمیوں کو طبی امداد دی جا رہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top