The news is by your side.

Advertisement

کراچی : 2 ماہ میں 151 شہریوں کا ٹریفک حادثات میں جاں بحق ہونے کا انکشاف

کراچی : شہر قائد میں 2 ماہ میں 151 شہریوں کا ٹریفک حادثات میں جاں بحق ہونے کا انکشاف سامنے آیا جبکہ اسی دوران 7سو 84 افراد زخمی ہوئے۔

تفصیلات کے مطابق کراچی کی سڑکوں پرتیزرفتارڈرائیورشہریوں میں موت تقسیم کرنے لگے ،ایدھی انفارمیشن رپورٹ میں انکشاف کیا گیا ہے کہ جنوری سے2مارچ تک151شہری حادثات میں جاں بحق ہوئے جبکہ 2 ماہ 2 دن کے اندر 7سو 84 افراد زخمی ہوئے۔

یاد رہے صرف یونیورسٹی روڈ پر گزشتہ روز طالبہ سمیت 2 افراد جاں بحق ہوئے جبکہ کورنگی میں بس نے 2 سگے بھائیوں کو کچل کر ابدی نیند سلادیا۔

یونیورسٹی طالبہ عائشہ کی موت کا مقدمہ عزیزبھٹی تھانے میں درج کرلیا گیا ہے ، جس میں کہا گیا کہ والد کے مطابق بیٹی کو کراچی یونیورسٹی چھوڑنے جارہا تھا کہ رکشے سے اچانک پرانےجوتوں کا بورا گرا میری بائیک سلپ ہوگئی اور پیچھے سے آنے والا ٹینکرمیری بیٹی کے سرپر چڑھ گیا۔

عزیزبھٹی پولیس نے واٹر ٹینکر قبضے میں لے لیا ہے تاہم ڈرائیور فرار ہوگیا۔

گذشتہ روز ہی نیپا پل کے قریب یونیورسٹی کی بس نے نوجوان کو کچل دیا ، موٹرسائیکل سوار کو پہلے گاڑی مکینک نے ٹکرماری پھر بس نے رونددیا۔

عزیزبھٹی پولیس نے بس اور کار دونوں کو قبضے میں لے لیا ، یونیورسٹی بس کا ڈرائیور فرار ہوگیا لیکن مکینک کوحراست میں لے لیا گیا ہے جبکہ کورنگی میں دونوں بھائیوں کو کچلنے والا ڈرائیور بھی فرار ہے۔

خیال رہے یونیورسٹی روڈ پر پہلےبھی ٹریفک حادثات میں کئی طالبات جاں بحق ہوچکی ہیں ، اس سے قبل بے قابو ہیوی گاڑی نے فٹ پاتھ پر چڑھ کر طالبات کو روند ڈالا تھا۔

Comments

یہ بھی پڑھیں