لاہور (12 دسمبر 2025): لاہور میں پیدل سڑک کراس کرنے پر شہری کے خلاف تھانہ ڈیفنس سی میں مقدمہ درج کر لیا گیا۔
ایف آئی آر کے مطابق شہری ارسلان نے نواز شریف انٹرچینج پر سڑک پیدل کراس کی، اس کوتاہی کے باعث بڑا ٹریفک حادثہ رونما ہو سکتا تھا۔
پولیس حکام نے بتایا کہ مقدمہ رنگ روڈ پولیس میں تعینات اہلکار عامر محمود نے درج کروایا جس میں دفعہ 273 شامل ہے۔
شہری ارسلان کو گرفتار کر کے انویسٹی گیشن پولیس کے حوالے کر دیا گیا۔ واضح رہے کہ پیدل سڑک کراس کرنے پر کسی بھی شہری کے خلاف یہ پہلا مقدمہ ہے۔
احمر کھوکھر بطور کرائم نیوز اے آروائی نیوز لاہور سے وابستہ ہیں
