The news is by your side.

سعودی عرب: عالمی معیار کی جدید شاہراہ کا افتتاح

ریاض: سعودی عرب کے حائل ریجن میں شاندار شاہراہ کا افتتاح کیا گیا ہے، یہ شاہراہ عالمی معیار کے مطابق تیار کی گئی ہے۔

سعودی ویب سائٹ کے مطابق سعودی عرب کے حائل ریجن میں مثالی شاہراہ کا افتتاح کیا گیا ہے جس سے علاقے کے عوام کو سفر میں آسانی ہوگی۔

یہ عریجا اور جانین چوراہے کے درمیان حائل قصیم شاہراہ کا ایک حصہ ہے اور اسے عالمی معیار کے مطابق تیار کیا گیا ہے۔

شاہراہ 15.8 کلومیٹر طویل ہے، اس کی ایک ایک خوبی یہ ہے کہ جانوروں کو چراگاہوں میں لانے لے جانے کے لیے خاص علامتیں لگائی گئی ہیں، ٹرکوں کے لیے سائیڈ پارکنگ کا انتظام ہے۔ جگہ جگہ انتباہی بورڈ نصب کیے گئے ہیں۔

ایک خصوصیت یہ ہے کہ شاہراہ کے دونوں جانب دھاتی باڑھ لگائی گئی ہے، شاہراہ پر زمینی پینٹ اور کیٹ آئیز بھی لگائی گئی ہیں۔ شاہراہ کو عبور کرنے کے لیے مختلف مقامات پر بالائی چوراہے بنائے گئے ہیں جو محفوظ گزرگاہ کی حیثیت رکھتے ہیں۔

شاہراہ پر دی جانے والی سہولتوں سے ٹریفک حادثات روکنے میں مدد ملے گی۔

Comments

یہ بھی پڑھیں