ریاض: سعودی عرب میں ڈاکو سرگرم ہوگئے، مختلف علاقوں میں بینکوں کے اے ٹی ایمز کو لوٹنا شروع کردیا، جبکہ متعلقہ ادارے چوروں کو گرفتار کرنے میں تاحال ناکام دکھائی دے رہے ہیں۔
عرب میڈیا کی رپورٹ کے مطابق سعودی عرب کے شہر جازان میں ڈاکوؤں نے کم سے کم 8 اے ٹی ایمز میں توڑ پھوڑ کی جس سے مشین شدید متاثر ہوئی، تاہم وہ رقم لوٹ نہ سکے۔
رپورٹ میں کہا گیا ہے کہ حالیہ دنوں میں سعودی دارالحکومت سمیت دیگر شہروں میں ڈاکو اے ٹی ایم کو نشانہ بنانے کی کوشش کررہے ہیں۔ اس سے قبل ریاض سے چور لاکھوں ریال لے اڑے تھے۔
مجهولين يحطمون ثمانية اجهزة صرافات الي بمحافظة الدرب بمنطقة جازان لأتوقف عندك وان شاء الله يجيبوهم pic.twitter.com/ls3K8jQUvD
— ﮼حسن،الحمزي (@Hassan_Alhamzi) February 18, 2020
پولیس کی جانب سے واردات کی نوعیت دیکھتے ہوئے متعلقہ ٹیموں کو متحرک کرنے کے بعد تفتیشی ٹیموں نے ملوث افراد کا سراغ لگانے کا کام بھی شروع کردیا ہے۔
سعودی عرب: ڈاکوؤں نے اے ٹی ایم کو دھماکے سے اڑا دیا، لاکھوں ریال چوری
سماجی رابطے کی ویب سائٹ ٹوئٹر پر مقامی شہریوں نے ڈاکوؤں کے حملوں کو بے نقاب کیا۔ رہائشیوں نے متعدد اے ٹی ایم کی تصاویر شیئر کیں جن میں مشینیوں کی سکرینیں ٹوٹی ہوئی نظر آ رہی ہیں۔
خیال رہے کہ 15 فروری کو سعودی عرب میں اے ٹی ایم سے رقم چوری کرنے کی انوکھی واردات سامنے آئی تھی، ڈاکوؤں نے اے ٹی ایم کو دھماکے سے اڑایا اور 14 لاکھ ریال لے کر فرار ہوگئے تھے۔
