The news is by your side.

Advertisement

کراچی: عید کی چھٹیوں میں‌ ڈکیتی کی بڑی واردارت

کراچی: حیدری جیولرز مارکیٹ میں نقب زنی کی بڑی واردات ہوئی، جس میں‌ 5 کروڑ سے زائد کا سونا لوٹ لیا گیا.

تفصیلات کے مطابق کراچی کی مشہور زمانہ حیدری مارکیٹ میں ہونے والی اس واردات میں ملزمان 12 کلو سونا لوٹ کر فرار ہوگئے، جس کی مالیت پانچ کروڑ کے لگ بھگ ہے.

انتظامیہ نے شک ظاہر کیا ہے کہ مارکیٹ کا کوئی شخص ملزمان سےملا ہوا ہے

مارکیٹ انتظامیہ کے مطابق واردات کے لیے ملزمان پہلے برابر والی دکان میں داخل ہوئے، جہاں سے دیوار توڑ کر ملزمان نے سنار کی دکان تک رسائی حاصل کی۔

ملزمان نے دکان میں موجود تمام قیمتی زیورات کو لوٹا اور بہ آسانی فرار ہوگئے.

مارکیٹ انتظامیہ کا کہنا ہے کہ ممکنہ طور پر عید کی چھٹیوں میں نقب زنی کی واردات کی گئی، ملزمان نے سی سی ٹی وی کی وائرنگ بھی کاٹ دی تھی۔

مزید پڑھیں: عید قریب آتے ہی کراچی میں ڈکیتیوں کی واردات میں اضافہ ہوگیا

انتظامیہ نے شک ظاہر کیا ہے کہ مارکیٹ کا کوئی شخص ملزمان سےملا ہوا ہے، جس کی وجہ سے  ملزمان کو کوئی مشکل پیش نہیں آئی۔

واقعے کی اطلاعات ملنے پر پولیس جائے وقوعہ پر پہنچ گئی ہے اور تحقیقات شروع کردی، مگر تحال کوئی سراغ ہاتھ نہیں‌لگا ہے.

Comments

comments

یہ بھی پڑھیں