The news is by your side.

Advertisement

ڈاکوؤں کی دیدہ دلیری : سرعام رکشہ سوار خواتین کو لوٹ لیا

کراچی : نیو کراچی تھانہ بلال کالونی کی حدود میں ڈاکوؤں نے خواتین کو نقدی اور قیمتی سامان سے محروم کردیا۔

نیو کراچی تھانہ بلال کالونی کی حدود میں موٹر سائیکل پر سوار مسلح ملزمان نے رکشے میں سوار خواتین سے اسلحے کے زور پر موبائل فون، نقدی اور دیگر قیمتی سامان لوٹا اور باآسانی فرار ہوگئے۔

واردات نیوکراچی سیکٹر 5 ای میں ہوئی، خواتین کا رکشہ جیسے ہی گھر کی دہلیز پر پہنچا تو ڈاکوؤں نے خواتین کو اسلحہ دکھا کر ان سے سامان چھین لیا۔

دن دہاڑے کی گئی واردات کی سی سی ٹی وی فوٹیج منظرعام پر آگئی جس میں دکھایا گیا ہے کہ مسلح اسٹریٹ کرمنلز نے تعاقب کے بعد خواتین کو واردات کا نشانہ بنایا۔

ذرائع کے مطابق دو موٹر سائیکل سوار 3ڈاکو نقدی، زیورات اور دیگر سامان چھین کر فرار ہوئے، یاد رہے کہ گزشتہ روز دوران واردات مزاحمت پر ایک شہری کو زخمی بھی کیا گیا تھا۔

Comments

یہ بھی پڑھیں