تازہ ترین

علی امین گنڈاپور کے ناقابلِ ضمانت وارنٹ گرفتاری جاری

راولپنڈی: وزیر اعلیٰ خبیر پختونخوا علی امین گنڈاپور کے...

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

آپ کے کمرے کی صفائی کرنے والا روبوٹ

ترقی یافتہ ممالک میں مختلف کاموں میں انسانوں کی مدد کے لیے مختلف اقسام کے روبوٹس تیار کیے جارہے ہیں۔ یہ روبوٹ مختلف ٹاسک سر انجام دیتے ہیں۔

تاہم اب ایسا روبوٹ بھی بنا لیا گیا ہے جو آپ کے کمرے کی صفائی کرسکتا ہے اور یہ اپنی نوعیت کا پہلا روبوٹ ہے۔

جاپان کی پریفرڈ نیٹ ورکس نامی کمپنی کی جانب سے تیار کیا گیا یہ روبوٹ کمرے کی صفائی کے دوران بکھرے کھلونوں کو اٹھا کر کھلونوں کے باکس میں رکھتا ہے جبکہ میلے کپڑوں کو لانڈری باکس میں۔

انجینیئرز کا کہنا ہے کہ یہ کام انسان کے لیے آسان مگر روبوٹ کے لیے مشکل ہے کیونکہ اسے بہت سے آبجیکٹس کی شناخت کرنی ہوتی ہے۔

اس روبوٹ کے تخلیق کاروں کا کہنا ہے کہ بالآخر ہم ایسا روبوٹ بنانے میں کامیاب ہوئے ہیں جو کئی چیزوں کو شناخت کر سکتا ہے۔ یہ روبوٹ جس آرٹیفیشل انٹیلی جنس سسٹم کو استعمال کرتا ہے اسے ’ڈیپ لرننگ‘ کہا جاتا ہے۔

اس سسٹم کے ذریعے یہ نئی اشیا کا تقابل ان اشیا سے کرتا ہے جنہیں وہ پہلے دیکھ چکا ہے۔ کمپنی اس روبوٹ کو اگلے 5 سال میں مارکیٹ میں پیش کرنے کا ارادہ رکھتی ہے جس کے بعد اسے خریدا جا سکے گا۔

Comments

- Advertisement -