تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خودکار روبوٹ ویکیوم کلینر ہوٹل سے فرار ہونے پر کھلبلی

کیمبرج: برطانیہ کے علاقے کیمبرج میں ایک ہوٹل سے خودکار روبوٹ ویکیوم کلینر فرار ہونے میں کامیاب ہو گیا تو ہر طرف کھلبلی مچ گئی۔

تفصیلات کے مطابق کیمبرج کے مشہور علاقے آرچرڈ پارک پر واقع ایک ہوٹل سے ایک خودکار ویکیوم کلینر ہوٹل کے عملے کو چکمہ دے کر فرار ہونے میں کامیاب ہو گیا، ویکیوم کلینر کے اس طرح فرار نے انتظامیہ کو شدید پریشان کر دیا۔

رپورٹ کے مطابق جمعرات کو کیمبرج کے آرچرڈ پارک میں واقع ہوٹل سے سیلف ڈرائیونگ کلینر کے لاپتا ہونے کی اطلاع ملی تھی، انتظامیہ کے مطابق ان کے پاس 4 ویکیوم کلینر تھے، جو ہوٹل کی صفائی میں بڑا اہم کردار ادا کرتے ہیں، لیکن انھیں آزادی کی خواہش بھی ہوگی یہ انھوں نے کبھی نہیں سوچا تھا۔

عملے کا کہنا ہے کہ ویکیوم میں ایسی ٹیکنالوجی نصب ہے، جو مین دروازے کو ڈیٹکٹ کرنے کی صلاحیت رکھتی ہے، جس سے یہ ویکیوم واپس آجاتے ہیں، اور کبھی دروازے سے باہر نہیں جاتے۔

لیکن اس بار ویکیوم چپکے سے باہر نکل گیا اور واپس نہیں آیا، انتظامیہ نے بتایا کہ انھیں اس کے غائب ہونے کی اطلاع 15 منٹ بعد ملی، جس کے بعد تلاش کی گئی لیکن وہ اسے ڈھونڈ نہیں سکے۔

ہوٹل عملے نے لوگوں سے اپیل بھی کی کہ وہ اس کھو جانے والے ویکیوم کو ڈھونڈنے میں ان کی مدد کریں، ہوٹل کے اسسٹنٹ منیجر نے اس بات سے بھی آگاہ کیا کہ اگر کسی نے اسے اپنے پاس رکھ لیا ہے تو اس کا کوئی فائدہ نہیں ہوگا، کیوں کہ وہ صرف ہوٹل کے چارجر کے ساتھ ہی چارج ہو سکتا ہے۔

ہوٹل انتظامیہ کے مطابق یہ ویکیوم کلینر اگلے روز ایک قریبی جھاڑی سے الجھا ہوا برآمد ہوا۔

Comments

- Advertisement -