The news is by your side.

Advertisement

کراچی، جھاڑیوں سے راکٹ لانچر برآمد

کراچی: شہر قائد کے علاقے سچل تھانے کی حدود میں واقع کچے کے علاقے کی جھاڑیوں سے راکٹ لانچر برآمد ہوئے ہیں۔

نمائندہ اے آر وائی نیوز کے مطابق پولیس نے کراچی کے علاقے سچل تھانے کی حدود میں واقع سعدی ٹاؤن  کے علاقے مدینہ کالونی میں سرچ آپریشن کیا تو کچےکے علاقے میں موجود جھاڑیوں سے چار راکٹ لانچر برآمد ہوئے۔

راکٹ لانچر برآمد ہونے کے بعد رینجرز کی بھاری نفری علاقے میں پہنچی  اور علاقے کو گھیرے میں لیا، بعد ازاں  پولیس اور رینجرز نے علاقے میں مشترکہ آپریشن شروع کیا۔

نمائندہ اے آر وائی نیوز کے مطابق رینجرز حکام کو شبہ ہے کہ یہ آر وی جی سیون راکٹ لانچر زیادہ پرانے نہیں بلکہ نئے ہیں، ممکن ہے دہشت گردی کی نیت سے انہیں چھپایا گیا ہو۔

پولیس حکام نے راکٹ لانچرز کو ناکارہ بنانے کے لیے بم ڈسپوزل اسکواڈ کی مدد طلب کی جنہوں نے آر وی جی سیون کو ناکارہ بنانے کی کوشش بھی کی۔

Comments

یہ بھی پڑھیں