ٹورنٹو : عالمی نمبر ایک سربیا کے نواک جوکووچ، فرانس کے گیل مونفلز اور جاپان کی نوشکیوری نے راجر کپ ٹینس کے سیمی فائنل میں جگہ بنالی۔
ٹورنٹو میں جاری ایونٹ کے کوارٹر فائنل میں عالمی نمبر سربیا کے نواک جوکووچ نے چیک ری پبلک کے ٹوماس برڈچ کے خلاف دلچسپ مقابلے کے بعد کامیابی حاصل کی، سرب کھلاڑی نے پہلا سیٹ سات چھ اور دوسرا چھ چار سے اپنے نام کیا۔
دوسرے کوارٹر فائنل میں فرانس کے گیل مونفلز نے کینیڈا کے میلوس رونک کو یک طرفہ مقابلہ کے بعد چھ چار اور چھ چار کے اسکور سے زیر کیا، سیمی فائنل میں مونفلز کا مقابلہ جوکووچ سے ہوگا۔
ایک اور میچ میں سوئٹزرلینڈ کے اسٹینلس وورینکا نے جنوبی افریقہ کے کیون اینڈریسن کو چھ ایک اور چھ تین سے مات دے کر سیمی فائنل میں جگہ بنائی۔
جاپان کے کی نوشیکوری نے بلغاریہ کے گریگور دمیتروو کو تین سیٹ کے سنسنی خیز مقابلے کے بعد شکست دی، جاپانی کھلاڑی کی فتح کا اسکور چھ تین، تین چھ اور چھ دو رہا۔
