The news is by your side.

راجر فیڈرر کا ٹینس سے ریٹائرمنٹ کا اعلان

سوئٹزرلینڈ کے ٹینس اسٹار راجر فیڈرر نے ٹینس سے ریٹائرمنٹ کا اعلان کردیا۔

سوئس ٹینس اسٹار راجر فیڈرر نے 41 سال کی عمر میں ٹینس سے ریٹائرمنٹ کا اعلان کیا انہوں نے اپنے کیریئر میں 20 گرینڈ سلیم ٹائٹل جیتے ان کا شمار اب تک کے عظیم ترین ٹینس کھلاڑیوں میں ہوتا ہے۔

ان کا کہنا تھا کہ لیور کپ اگلے ماہ میرا آخری اے ٹی پی ٹور ایونٹ ہوگا اب میں مزید کوئی گرینڈ سلیم یا ٹور نہیں کھیلوں گا۔

ایک انٹرویو میں فیڈرر کا کہنا تھا کہ ڈیوس کپ ایونٹ سے باضابطہ طور پر ریٹائرمنٹ کا اعلان نہیں کیا تاہم مجھے نہیں لگتا کہ اب میں سوئٹزلینڈ کی نمائندگی کروں گا۔

راجر کا مزید کہنا تھا کہ ٹوکیو اولمپکس کو اپنا مقصد نہیں بنایا جب کہ ریو اولمپک میں نہ ہونے سے دل دکھا تھا مگر اب میں بہتر محسوس کر رہا ہوں میں دو بار اپنے ملک کا پرچم بلند کر چکا ہوں۔

اپنی کامیابیوں کا ذکر کرتے ہوئے راجر کا کہنا تھا کہ سونے اور چاندی کا تمغہ بھی اپنے نام کر چکا ہوں اب ایسا محسوس ہوتا ہے کہ میں نے اولمپکس میں بہت کچھ حاصل کرلیا اس لیے اب زیادہ اس تمغوں اور کامیابیوں کے بارے میں نہیں سوچنا چاہتا ہوں۔

چند ماہ قبل کھیلوں کے ماہرین اور تجزیہ کاروں کا کہنا تھا کہ گزشتہ کئی ہفتوں سے راجر کی باڈی لینگوئج بھی اسی جانب اشارہ کر رہی ہے کہ وہ عالمی ٹینس سے شاید ریٹائرمنٹ کا سوچ رہے ہیں۔

Comments

یہ بھی پڑھیں