موناکو: سابق عالمی نمبر ایک سوئٹزرلینڈ کے راجر فیڈرر نے مونٹی کارلو ماسٹرز ٹینس ٹورنامنٹ کے تیسرے راؤنڈ میں جگہ بنالی ۔
عالمی نمبر تین سوئٹزرلینڈ کے راجر فیڈرر طبیعت کی خرابی کے باعث دس ہفتے آرام کے بعد پھر ایکشن میں آگئے، موناکو میں جاری مونٹی کارلو ٹینس ٹورنامنٹ کا فاتحانہ آغاز کردیا۔
سوئس کھلاڑی نے دوسرے راؤنڈ کے میچ میں اسپین کے گارشیا لوپیز کو باآسانی اسٹریٹ سیٹس میں شکست دے دی۔۔ فیڈرر نے اسپینش کھلاڑی کے خلاف چھ تین اور چھ چار سے کامیابی حاصل کرتے ہوئے اگلے راؤنڈ میں جگہ بنالی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں