جے پور: نیوزی لینڈ کے خلاف پہلے ٹی 20 میچ میں بھارتی تیم کے کپتان روہت شرما کی فاسٹ بولر محمد سراج کو تھپڑ مارنے کی ویڈیو وائرل ہوگئی۔
بھارتی میڈیا کے مطابق گزشتہ روز بھارت نے جہاں نیوزی لینڈ کو پہلے ٹی ٹوینٹی میچ میں باآسانی پانچ وکٹوں سے شکست دے کر تین میچوں کی سیریز میں 1-0 کی برتری حاصل کرلی۔
اس میچ میں بھارتی بولر محمد سراج اپنی انگلی زخمی کروا بیٹھے۔
فاسٹ بولر محمد سراج نے 2018 کے بعد اپنا پہلا ٹی 20 میچ گزشتہ روز نیوزی لینڈ کے خلاف کھیلا تھا۔
اس دوران بھارتی بولر جہاں نیوزی لینڈ کی اننگ کے آخری اوورز میں رچن روندرا کی وکٹ لینے میں کامیاب ہوئے وہیں اس دوران سراج آخری اوور کی پہلی گیند پر اپنی ہی بال لگنے کے سبب انگلی زخمی کر بیٹھے۔
محمد سراج اور بھارتی کپتان روہت شرما کی ایک ویڈیو وائرل ہوئی جس میں روہت شرما ڈگ آؤٹ میں مزاحیہ انداز میں فاسٹ بولر سراج کے سر پر تھپڑ مارتے دیکھے گئے جس پر بولر نے مسکرا کر ردعمل دیا۔
Why did Rohit hit Siraj🤣🤣🙄#INDvNZ #RohitSharma pic.twitter.com/EjqnUXts3v
— Bhanu🔔 (@its_mebhanu) November 17, 2021
فاسٹ بولر سراج اور روہت شرما کی ویڈیو وائرل ہورہی ہے اور سوشل میڈیا صارفین اس پر دلچسپ تبصرے بھی کررہے ہیں۔
