روہڑی: سندھ کا شہر روہڑی صوبے کا پہلا فری وائی فائی زون بن گیا ہے۔
تفصیلات کے مطابق انٹرنیٹ ہماری زندگی کا اہم حصہ بن چکا ہے، یہ ہمیں معلومات تفریح اور مواصلات تک رسائی فراہم کرتا ہے، دور جدید کی اہم ضرورت کو پورا کرتے ہوئے ضلعی کونسل کے چیئرمین سید کمیل حیدر شاہ نے روہڑی میں فری وائی فائی سروس کا آغاز کر دیا ہے۔
فری وائی فائی سروس سے شہریوں سمیت طلبہ و طالبات کو کتابیں، آن لائن گیمز اور اہم معلومات تک مفت میں رسائی اب جلد ممکن ہوگی۔
انٹرنیٹ سروس کی افتتاحی تقریب میں چیئرمین ضلع کونسل کا خطاب کرتے ہوئے کہنا تھا کہ موجودہ دور آئی ٹی اور ٹیکنالوجی کا دور ہے، فری انٹرنیٹ سروس سے روہڑی کے عوام مستفید ہوں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں