کینسر کے شکار ریسلر رومن رینز کی رنگ میں واپسی کب ہوگی؟ roman reigns
The news is by your side.

Advertisement

کینسر کے شکار ریسلر رومن رینز کی رنگ میں واپسی کب ہوگی؟

نیویارک: ڈبلیو ڈبلیو ای میں بگ ڈاگ کے نام سے مشہور معروف ریسلر رومن رینز کینسر جیسے موذی مرض میں مبتلا ہوکر اپنا یونیورسل چیمپئن شپ کا ٹائٹل رنگ میں چھوڑ کر چلے گئے تھے، مداحوں کو اس بات کا انتظار ہے کہ ان کی رنگ میں اب واپسی کب تک ہوگی۔

لیوکیمیا کے ماہر ڈاکٹر جوزف الوارنز نے کہا ہے کہ رومن رینز کم از کم ایک سال تک ڈبلیو ڈبلیو ای میں واپس نہیں آسکیں گے، یہ علاج کی پیش رفت پر ہوگا کہ رومن رینز کب معمول کی سرگرمیوں کو دوبارہ اپنا سکیں گے۔

ڈاکٹر جوزف کے مطابق عام طور پر ایسے مریضوں کو کم از کم ایک سال یا اس سے زائد کا عرصہ درکار ہوتا ہے، ان کا کہنا تھا کہ لیوکیمیا کی دو طرح کی اقسام ہوتی ہیں تاہم رومن رینز نے فی الحال واضح نہیں کیا کہ ان کا کینسر کس طرح کا ہے۔

ان کا کہنا تھا کہ لیوکیمیا کی ایک قسم کا علاج زیادہ سخت ہے جبکہ دوسرے کا علاج اتنا مشکل نہیں ہے، ڈاکٹر نے بتایا کہ لیوکیمیا کی ایک قسم کے علاج میں کیموتھراپی اور دیگر طریقہ علاج کافی سخت ہوتا ہے۔

ڈاکٹر جوزف کے مطابق مریض کا میرویا بلڈ اسٹیم سیل ٹرانسپلانٹ بھی علاج کے لیے ایک طریقہ سمجھا جاتا ہے، اس مرض کی دوسری قسم کو اتنا خطرناک نہیں سمجھا جاتا اور اس کا علاج کیموتھراپی یا انسداد سرطان ادویات سے ممکن ہے۔

واضح رہے کہ ڈبلیو ڈبلیو ای را میں بات کرتے ہوئے رومن رینز کا کہنا تھا کہ میں گزشتہ چار سالوں سے اس ریسلنگ رنگ میں آرہا ہوں، بطور رومن رینز میں بہت کچھ سیکھا۔

مزید پڑھیں: معروف ریسلر رومن رینز کینسر میں مبتلا ہوگئے

رومن رینز کا کہنا تھا کہ ان کا اصل نام جوزف انوئے ہے اور وہ گزشتہ گیارہ برس سے لیوکیمیا کا شکار ہیں، یہ بیماری واپس آگئی ہے اس لیے وہ اب مزید ریسلنگ نہیں لڑ سکتے ہیں اور یونیورسٹل ٹائٹل اب چھوڑنا پڑے گا۔

Comments

comments

یہ بھی پڑھیں