بخارسٹ:رومانیہ کے دارالحکومت بخارسٹ کے نائٹ کلب میں آتشزدگی کے نتیجے میں ہلاک ہونے والوں سے اظہار ہمدردی کیلئے ہزاروں افراد نے احتجاج کیا۔
رومانیہ کے دارالحکومت بخارسٹ میں گذشتہ دنوں نائٹ کلب میں ناگہانی آتشزدگی کے نتیجے میں ہلاک ہونے والوں سے اظہارِ ہمدردی کے لئے ہزاروں مظاہرین حکومت کے خلاف سڑکوں پر آگئے ۔
ریلی کے شرکاء کا مطالبہ تھا کہ اس حادثے پر پوری حکومت مستعفی ہو ۔
گزشتہ ہفتے نائٹ کلب میں لگنے والی آگ سے ہلاکتوں کی تعدا بتیس ہوگئی ہے جبکہ زخمی درجنوں افراداب بھی اسپتال میں زیرعلاج ہیں۔
رومانیہ کے صدر کلوز آیوہانس نے اسے ملک کے لیے بہت بڑا صدمہ قرار دیا ہے، مظاہرے میں بیس ہزارسے زائد مظاہرین نے حکومت کے ہیڈ کوارٹر اور وزارت داخلہ کی جانب مارچ کیا۔
منتظمین کا کہنا تھا کہ آنے والےدنوں میں مزید ریلیوں کااعلان رومانیہ بھر میں فیس بک پرکیا جائیگا۔
