تازہ ترین

رومانیہ: لائیو اسٹریمنگ کے دوران گلوکار ٹرین کی زد میں آ کر ہلاک

رومانیہ: رومانیہ کے ابھرتے ہوئے گلوکار ٹیوے پستیو لائیو اسٹریمنگ کرتے ہوئے ٹرین کی زد میں آ کر ہلاک ہوگئے۔

تفصیلات کے مطابق رومانیہ میں 29 سالہ گلوکار ٹیوے پستیو کار میں اپنی اہلیہ کے ساتھ لائیو اسٹریمنگ کر رہے تھے اس دوران ان کی کار ٹرین کی زد میں آکر حادثے کا شکار ہوگئی۔حادثے میں نوجوان گلوکار ہلاک جبکہ ان کی اہلیہ شدید زخمی ہوگئیں۔

مقامی میڈیا کی جانب سے جاری کی گئی تصاویر میں دیکھا جاسکتا ہے گلوکار کی اہلیہ ڈرائیونگ کرتے ہوئے ریلوے کراسنگ پر تیز رفتار ٹرین کو آتے نہ دیکھ سکیں جس کے باعث کار حادثے کا شکار ہوگئی۔

حادثے کے لمحے کی فوٹیج میں نوجوان گلوکار کے چہرے پر گھبراہٹ کے واضح آثار نظر آ رہے ہیں۔

ترجمان پولیس کا کہنا ہے کہ 29 سالہ گلوکار جو کار کی فرنٹ سیٹ پر موجود تھے، حادثے میں ہلاک ہوگئے جبکہ ان کی 24 سالہ بیوی شدید زخمی ہوگئیں۔

یاد رہے کہ ایک ماہ قبل گلوکار نے سوشل میڈیا کی ویب سائٹ فیس بک پر مداحوں کے نام پیغام میں کہا تھا کہ ایک دن غلط ٹرین آپ کو صحیح منزل تک لے جائے گی۔

Comments

- Advertisement -