برازیل کے سابق اسٹار فٹ بالر رونالڈینو نے پاکستان آمد کے موقع پر اپنے ٹوئٹس میں آرمی چیف کا شکریہ ادا کرتے ہوئے پاکستان کو پر امن ملک قرار دیا۔
کراچی اور لاہور میں لیژر لیگ کے نمائشی میچز کے بعد سماجی رابطوں کی ویب سائٹ ٹوئٹر پر ٹوئٹس کرتے ہوئے رونالڈینو کا کہنا تھا کہ پاکستان ایک محبت کے لائق اور پرامن ملک ہے۔
Pakistan is peaceful & loving. Thanks #PakArmyChief Thanks #Pakistan See you again… @OfficialDGISPR @LeisureLeaguePK @wgtrunkwala1912
— Ronaldinho Gaúcho (@10Ronaldinho) July 9, 2017
انہوں نے اپنے ٹوئٹ میں آرمی چیف کا بھی شکریہ ادا کیا۔
رونالڈینو نے کراچی میں میچ کے موقع پر شائقین کی جانب سے محبت اور جوش و جذبے کے اظہار کی ویڈیو ٹوئٹ کرتے ہوئے انہوں نے کہا، ’شکریہ کراچی، شکریہ پاکستان‘۔
Thanks Karachi! Thanks Pakistan! #RonaldinhoAndFriends # pic.twitter.com/9etcnQFkMN
— Ronaldinho Gaúcho (@10Ronaldinho) July 8, 2017
نمائشی میچز میں فتح کے بعد رونالڈینو نے ٹرافی کے ساتھ بھی اپنی تصویر ٹوئٹ کی۔
Thanks Pakistan! # pic.twitter.com/oFqY0rzaeW
— Ronaldinho Gaúcho (@10Ronaldinho) July 9, 2017
یاد رہے کہ اسٹار فٹ بالر رونالڈینو سمیت مانچسٹر یونائیٹڈ کے سابق کھلاڑی رائن گگز، انگلینڈ کے سابق گول کیپر ڈیوڈ جیمز، ڈچ کھلاڑی جارج بوئٹنگ، فرانس کے سابق کھلاڑی رابرٹ پائرس اور نیکولس اینلکا اور پرتگال کے سابق اسٹار لوئس با مورٹے نے پاکستان کا دورہ کیا جہاں انہوں نے کراچی اور لاہور میں فٹ بال میچز کھیلے۔
میچز دیکھنے کے لیے عوام کی بڑی تعداد امڈ آئی جبکہ اس موقع پر سخت سیکیورٹی انتظامات کیے گئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔