site
stats
کھیل

رونالڈو کے دس کروڑ فالورز

براسیلیا: پرتگال سے تعلق رکھنے والے عالمی فٹبالر کرسچیانو رونالڈو کی مقبولیت تاحال برقرار ہے بلکہ اُن کے مداحوں میں اضافہ ہوتا جارہا ہے۔

تفصیلات کے مطابق  حال ہی میں اپنے کیرئیر کی 47 ویں ہیٹ ٹرک مکمل کرنے والے کرسچیانو رونالڈو  نے فٹبال میدان کے بعد سوشل میڈیا کی دنیا میں بھی نیا سنگِ میل عبور کرلیا۔

فٹ بالر کو انسٹا گرام پر 10 کروڑ سے زائد لوگ فالو کرچکے جبکہ ٹوئٹر پر اُن کے فالورز کی تعداد بھی 50 ملین سے زیادہ ہوگئی ہے، پرتگالی فٹبالر کے دیگر کھلاڑیوں میں انسٹاگرام پر سب سے زیادہ مداح انہیں فالو کرچکے ہیں۔

دس کروڑ مداحوں کی جانب سے فالو کرنے کے بعد رونالڈو کا انسٹا گرام دنیا کا چھٹا اکاؤنٹ بن گیا، پرتگالی فٹبالر سے پہلے بیونسے، ٹیلر سوئفٹ، آریانا گرینڈ اور سلینا گومز بھی انسٹاگرام پر کروڑوں مداح موجود ہیں جبکہ رونالڈو کے حریف نیمار کو 7 کروڑ 40 لاکھ افراد فالو کرچکے ہیں۔

رونالڈو انسٹا گرام پر مداحوں کے ساتھ دورانِ تربیت، ماڈلنگ اور تقریبات سمیت دیگر تصاویر شیئر کرتے ہیں، ان کی بیٹے کے ہمراہ شیئر ہونے والی تصاویر کو مداحوں نے بے حد پسند کیا جبکہ گاڑیوں کے ہمراہ بنائی جانے والی تصاویر بھی مداحوں کو پسند آتی ہیں۔

دوسری جانب اسٹائلش فٹبالر میسی کے فالوورز کی تعداد 7 کروڑ 10 لاکھ جبکہ ڈیوڈ بیکھم کے 3 کروڑ 60 لاکھ اور جیمز راڈریگز کو تین کروڑ لوگ فالو کررہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top