site
stats
سندھ

مدرسے کی چھت گرگئی، 25 طلبہ زخمی

کراچی: شہرقائد کے علاقے شاہنواز بھٹو کالونی میں مدرسے کی چھت منہدم ہونے سے پچیس سے زائد طلبہ زخمی ہوگئے۔

تفصیلات کے مطابق آج شاہنواز بھٹو کالونی سے متصل زرینہ کالونی میں واقع زیرتعمیر مدرسہ فاروق اعظم کی چھت منہدم ہوگئی جس کے نتیجے میں ملبے تلے دبنے سے پچیس سے زائد طلبہ زخمی ہوگئے۔

سانحے میں زخمی ہونے والے طلبہ کو قریبی اسپتال اور عباسی اسپتال منتقل کیا گیا۔

پولیس کے مطابق حادثے کے وقت بچے مدرسے کی تعمیر کے لئے اینٹیں چھت پرلے جارہے تھے، پولیس نے مدرسے کے قاری کو حراست میں لے کرمدرسہ سیل کردیا ہے۔

اسپتال ذرائع کے مطابق بیشتربچوں کی حالت خطرے سے باہر ہے تاہم دوطلبہ کی حالت نازک ہے جنہیں اسپتال میں طبی امداد فراہم کی جارہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top