The news is by your side.

لاہور میں مکان کی چھت گر گئی، 3 بچیاں‌ جاں‌ بحق

لاہور میں مکان کی چھت گرنے سے 3 بچیاں جاں بحق ہوگئیں۔

اے آر وائی نیوز کے مطابق لاہور کے علاقے باٹا پور میں بوسیدہ مکان کی چھت گر گئی جس کے نتیجے میں 3 کمسن بچیاں جاں بحق ہوگئیں۔

ریسکیو ذرائع کے مطابق جاں بحق ہونے والی بچیوں میں 6 سالہ سیرت، 2 سالہ اریحا اور 2 سالہ ابیحہ شامل ہیں۔

ذرائع کے مطابق چھت گرنے سے 55 سالہ صفیہ بی بی شدید زخمی ہوگئیں جنہیں طبی امداد کے لیے اسپتال منتقل کردیا گیا۔

پولیس کا کہنا ہے کہ بچیوں کی لاشوں کو ضابطے کی کارروائی کے بعد ورثا کے حوالے کردیا گیا ہے۔

ذرائع کا کہنا ہے کہ ملبے تلے دبے ایک زخمی شخص کو نکال کر اسپتال منتقل کردیا گیا ہے جس کی حالت تشویش ناک بتائی جارہی ہے۔

ریسکیو ذرائع کا کہنا ہے کہ مکان بوسیدہ تھا جس کی بنیادیں بارش کی وجہ سے کچی پڑ گئی تھیں، مکان کے اندر ایک ہی خاندان کے 5 افراد رہائش پذیر تھے۔

واضح رہے کہ رواں سال جولائی میں لاہور میں شدید بارش کے باعث شادباغ وسن پورہ میں دو منزلہ مکان کی چھت گر گئی تھی جس کے ملبے تلے دب کر دو بچوں اور دو خواتین سمیت چھ افراد جاں بحق ہوگئے تھے۔

Comments

یہ بھی پڑھیں