تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کراچی میں مسجد کی چھت گرگئی،6 شہید متعدد زخمی

کراچی: شہرقائد کے علاقے نارتھ ناظم آباد میں مسجد کی لوہے کی چھت گرنے سے چھ افراد شہید جبکہ متعدد زخمی ہوگئے۔

تفصیلات کے مطابق یہ حادثہ نارتھ ناظم آباد کے علاقے لنڈی کوتل میں جمعے کی نماز کے دوران پیش آیا۔

ملبے تلے دبنے سے اب تک چھ نمازی شہید ہوچکے ہیں جبکہ 12 سے زائد افراد زخمی ہیں جن میں سے 5 کی حالت تشویش ناک بتائی جارہی ہے۔

M3

M4

میتیوں اور زخمیوں کو نزدیکی واقع ضیا الدین اسپتال اور عباسی شہید اسپتال منتقل کیا جارہا ہے، امدادی ٹیمیں جائے وقوعہ پرملبہ ہٹانے میں مشغول ہیں۔

ذرائع کا کہنا ہے کہ کئی زخمی افراد اپنی مدد آٓپ کے تحت مختلف پرائیویٹ اسپتالوں کی جانب روانہ ہوگئے ہیں۔

M2

بتایا جارہا ہے کہ لوہے کی چادروں پرچھت تعمیر کی گئی تھی اوران پر پنکھوں کا وزن بھی تھا جو کہ وزن برداشت نہیں کرسکا اور گرگیا۔

breaking M1

کمشنر کراچی اعجاز احمد خان اے آروائی نیوز سے گفتگوکرتے ہوئے پانچ افراد کی شہادت کی تصدیق کرتے ہوئے کہا ہے کہ واقعے کی مکمل تحقیقات کی جائیں گی کہ زیرِ تعمیر مسجد میں نماز کس طرح ادا کی جارہی تھی۔

انہوں نے یہ بھی کہا کہ وزیراعلیٰ سندھ نے واقعے کی فوری رپورٹ طلب کی ہے کہ کس کی غفلت سے یہ حادثہ پیش آیا۔


مدرسے کی چھت گرگئی، 25 طلبہ زخمی


 اسٹنٹ کمشنر کراچی کا کہنا ہے کہ عوام کو گرمی سے بچانے کے لیے لگائے گئے شیڈ ہی عوام کے لئے زحمت کا سبب بن گئے، انہوں نے مزید کہا کہ امدادی کاروائیاں مکمل ہونے کے بعد مسجد کی انتظامیہ سے بات کی جائے گی۔

ejaz

 واضح رہے کہ اس قسم کے واقعات شہر قائد کے مختلف علاقوں میں پہلے بھی پیش آچکے ہیں۔

 وزیراعظم نواز شریف نے کراچی میں ہونے والے افسوسناک سانحے کا نوٹس لیتے ہوئے اظہارافسوس کیا ہے اور امدادی کاروائیاں تیز کرنے کا حکم دیا ہے ۔انہوں نے دعا کی ہے کہ اللہ سوگواروں کو اس عظیم نقصان پر صبر جمیل کی توفیق عطا فرمائے۔

Comments

- Advertisement -