The news is by your side.

Advertisement

اہم کھلاڑی انگلینڈ اسکواڈ سے باہر

انگلینڈ ٹیسٹ ٹیم کے کپتان جوروٹ اور مایہ ناز آل راؤنڈر بین اسٹوکس کو آسٹریلیا کے خلاف محدود اوورز کی سیریز سے باہر کر دیا گیا۔

آئندہ ماہ سے شروع ہونے والی 3 ٹی ٹوئنٹی اور 3 ون ڈے میچوں پر مشتمل سیریز کے لیے انگلینڈ اسکواڈ کا اعلان کردیا گیا۔

سیریز کے لیے این مورگن کو کپتان برقرار رکھا گیا ہے جب کہ ٹیسٹ کپتان جوروٹ ٹی ٹوئنٹی اسکواڈ میں شامل نہیں البتہ انہیں ون ڈے اسکواڈ میں شامل کیا جا سکتا ہے۔

والد کی ناساز طبیعت کے باعث پاکستان کے خلاف ٹیسٹ سیریز ادھوری چھوڑ کر نیوزی لینڈ جانے والے بین اسٹوکس بھی آسٹریلیا کے خلاف ایکشن میں نظر نہیں آئیں گے۔

اوپنر جیسن روئے جو کہ پاکستان کے خلاف ٹی ٹوئنٹی سیریز نہیں کھیل سکے وہ بھی اسکواڈ کا حصہ نہیں ہیں تاہم امکان ہے کہ انہیں ون ڈے سیریز میں موقع دیا جائے گا۔

دوسری جانب آسٹریلیا نے اگلے ماہ دورہ انگلینڈ کا اعلان کرتے ہوئے 21 رکنی اسکواڈ کا انتخاب کر لیا ہے۔ایرون فنچ کی کپتانی میں آسٹریلوی ٹیم 4 ستمبر سے محدود اوورز کی سیریز کا آغاز کرے گی۔

https://twitter.com/englandcricket/status/1300418112366481410?s=20

آسٹریلیو ٹیم 3 ٹی ٹوئنٹی اور 3 ون ڈے میچز کھیلے گی، خراب کارکردگی کے باعث ٹیم سے باہر ہونے والے میکسویل کی ٹیم میں واپسی ہوئی ہے۔

Comments

یہ بھی پڑھیں