The news is by your side.

Advertisement

پاکستانی مکینک کی بیٹی روزینہ برطانوی رکن پارلیمنٹ منتخب

لندن : لیبر پارٹی کی رکن روزینہ الین خان برطانوی رکن پارلیمنٹ منتخب ہوگئیں۔

Rozina 4

Rozina 1

لندن کے ٹوٹنگ حلقے میں ہونے والے ضمنی انتخابات میں روزینہ خان نے برطانوی ہاؤس آف کامنز کی نشست پر بھاری اکثریت حاصل کرلی اور رکن منتخب ہوگئی ہے، یہ نشست لیبر پارٹی کے رہنما صادق خان کے لندن کے میئر منتخب ہونے کے بعد خالی ہوئی تھی۔

اس حلقے سے لندن کے میئر صادق خان 2005 سے رکن پارلیمنٹ منتخب ہوتے رہے ہیں لیکن خاص بات یہ ہے روزینہ خان نے صادق خان کے مقابلے میں کئی ہزار زیادہ ووٹ حاصل کئے، روزینہ خان کو 17 ہزار 800 ووٹ ملے جب کہ ان کے مخالف حکمران کنزرویٹو پارٹی کے امیدوار ڈین واٹکنس نے 11500 ووٹ حاصل کیے۔

Rozina 2

دو بچوں کی ماں روزینہ ایلن خان خود جونیئر ڈاکٹر ہیں، انکے والد پاکستانی جب کہ ان کی والدہ پولش ہیں،روزینہ کے والد ٹی وی مکینک اور والدہ پیٹرول اسٹیشن میں ملازمت کرتی تھیں۔

Rozina 3

روزینہ خان نے گزشتہ روز ویسٹ یارکشائر میں قتل ہونے والی لیبر پارٹی کی خاتون رکن پارلیمان کو خراج تحسین پیش کرتے ہوئے جشن نہیں منایا اور وکٹری اسپیچ دینے سے منع کردیا، اس موقع پر ان کا کہنا تھا کہ جو کاکس ایک زبردست مہم چلانے والی تھیں اور ان کی ہلاکت پر بے حد دکھ پہنچا ہے۔

یاد رہے گذشتہ روز برطانیہ میں فائرنگ اور چاقو کے وار کرکے خاتون رکن پارلیمنٹ جو کاکس کو قتل کردیا گیا تھا۔

Print Friendly, PDF & Email

Comments

comments

یہ بھی پڑھیں