اسکواش کے معروف کھلاڑی روشن خان کی برسی

آج اسکواش کے مشہور کھلاڑی روشن خان کا یومِ‌ وفات ہے۔ وہ 6 جنوری 2006ء کو وفات پا گئے تھے۔

روشن خان 1927ء میں پشاور میں پیدا ہوئے تھے۔ وہ 1954ء اور 1955ء میں برٹش اوپن کے سیمی فائنل تک اور 1956ء میں فائنل میں پہنچنے میں کام یاب ہوگئے تھے، لیکن اپنے ہی ہم وطن کھلاڑی ہاشم خان کے ہاتھوں جیت سے محروم رہے۔

1957ء میں ہاشم خان اور روشن خان برٹش اوپن کے فائنل میں ایک مرتبہ پھر آمنے سامنے ہوئے، مگر اس مرتبہ کام یابی روشن خان کا مقدر بنی۔ اسکواش کے کھیل کا یہ اعزاز روشن خان کے پاس ایک ہی سال رہ سکا۔

پاکستان میں‌ اسکواش کے اس کھلاڑی کا ایک قابل اور باصلاحیت بیٹا جہانگیر خان ہے جس نے متعدد عالمی اعزازات جیتے اور ملک کا نام روشن کیا۔ 1980ء کی دہائی میں جہانگیر خان کا دنیائے اسکواش پر راج اور حکم رانی قائم تھی۔

Comments