The news is by your side.

Advertisement

سوچا نہیں تھا پاکستان آؤں گی اور محبت ہوجائے گی، روزی گیبریل

کراچی : تین برس قبل موٹر سائیکل پر پاکستان آنے والی نو ملسم کینیڈین ولاگر روزی گیبریل نے پاکستانی بائیکر اور بلاگر عدیل عامر سے شادی کرکے ایک مرتبہ پھر سب کو خوشگوار حیرت میں مبتلا کردیا۔

انہوں نے اپنی شادی کی تصاویر سوشل میڈیا پر اپ لوڈ کیں جسے صارفین نے بے حد پسند کرتے ہوئے دعائیں دیں اور نیک خواہشات کا اظہار کیا۔

اس حوالے سے اے آر وائی نیوز کے پروگرام باخبر سویرا میں گفتگو کرتے ہوئے روزی گیبریل اور ان کے شوہر عدیل عامر نے اپنی نئی زندگی کے سفر سے متعلق ناظرین کو آگاہ کیا۔

روزی گیبریل نے بتایا کہ انہوں نے پاکستان میں اپنی محبت کو بھی پالیا ہے۔ میں نے کبھی نہیں سوچا تھا کہ میں پاکستان آؤں گی اور مجھے نہ صرف اس ملک سے اور اس کے لوگوں سے بلکہ کسی خاص شخص سے بھی محبت ہوجائے گی۔

 

View this post on Instagram

 

A post shared by Rosie Gabrielle (@rosiegabrielle)

عامر عدیل نے ایک سوال کے جواب میں بتایا کہ ہماری شادی بہت دھوم دھام سے ہوئی اس موقع پر ہم نے مل کر بھنگڑا بھی ڈالا تھا اور بہت انجوائے کیا۔

مزید پڑھیں : اسلام قبول کرنے والی کینیڈین بلاگر نے پاکستانی نوجوان سے شادی کرلی

انہوں نے کہا کہ ہماری شادی کے حوالے سے گھر والوں کی جانب سے کچھ مشکلات تھیں تاہم وہ تمام مسائل جلد ہی حل ہوگئے، انہوں نے بتایا کہ شادی کے بعد روزی گیبریل پاکستان میں ہی رہنا چاہتیں ہیں۔

Comments

یہ بھی پڑھیں