اوٹاوا / لاہور: دو برس قبل پاکستان آکر اسلام قبول کرنے والی معروف کینیڈین ٹریول وی لاگر اور بائیکر گرل روزی گیبرئیل نے پاکستانی نوجوان سے شادی کرلی۔
گیبرئیل نے سماجی رابطے اور فوٹو ویڈیو شیئرنگ پلیٹ فارم انسٹاگرام پر اپنی شادی کی تصاویر شیئر کیں اور بتایا کہ انہوں نے پاکستانی سیاح اور بلاگر عدیل عامر کو ہم سفر منتخب کرلیا۔
کینیڈین وی لاگر روزی نے لکھا کہ ’کبھی سوچا بھی نہیں تھا کہ پاکستان آکر کسی شخص کی محبت میں گرفتار ہوجاؤں گی‘۔
مزید پڑھیں: اسلام قبول کرنے والی کینیڈین بلاگر کا حج پر جانے کا اعلان
کینیڈین ٹریول ویڈیو بلاگر روزی گیبرئیل کو پاکستانی سیاح اور بلاگر عدیل عامر کے ساتھ رشتہ ازدواج میں منسلک ہونے کے بعد مداحوں نے مبارک باد پیش کی اور نیا سفر شروع کرنے پر نیک خواہشات کا اظہار بھی کیا۔
View this post on Instagram
واضح رہے کہ ہیوی بائیک پردنیا گھومنے کا عزم رکھنے والی کینیڈین بلاگر تین سال قبل پاکستان آئیں تھیں، وہ یہاں آکر پاکستانی ثقافت اور لوگوں کی محبت میں اس قدر گرفتار ہوئیں کہ انہوں نے 2019 میں اسلام قبول کرنے کا اعلان کیا اور پھر مملکتِ خداد میں ہی رہائش اختیار کرلی تھی۔
View this post on Instagram
خاتون سیاح نے اعلان کیا تھا کہ وہ دنیا بھر میں پاکستان کا مثبت تاثر اجاگر کرتی رہیں گی۔
