لندن: برطانوی شہزادہ ولیم اور شہزادہ کیٹ مڈلٹن نے اپنے تیسرے بچے کا نام ’شہزادہ لوئس آرتھر چارلس رکھ دیا ہے۔
غیر ملکی خبر رساں ادارے کے مطابق شاہی محل کنگسٹن پیلس کی جانب سے سماجی رابطے کی ویب سائٹ ٹویٹر میں شہزادے کو پرنس لوئس آف کیمبرج کا خطاب دیا گیا ہے۔
ننھے شہزادے کے نام میں شامل لوئس ان کے بڑے بھائی جارج کا درمیانی نام ہے، آرتھر ملکہ برطانیہ الزبتھ دوم کے والد کنگ جارج ششم کا درمیانی نام ہے، جبکہ چارلس ننھے بچے کے دادا کا نام ہے۔
شہزادہ لوئس آرتھر چارلی تخت نشینی کے لیے پانچویں نمبر ہیں، اس فہرست میں سب سے پہلے شہزادہ چارلس، جن کے بعد شہزادہ ولیم، شہزادہ جارج اور شہزادہ چارلٹ کے بعد لوئس آرتھر چارلس تخت نشینی کے حقدار قرار پائیں گے۔
The Duke and Duchess of Cambridge are delighted to announce that they have named their son Louis Arthur Charles.
The baby will be known as His Royal Highness Prince Louis of Cambridge. pic.twitter.com/4DUwsLv5JQ
— Kensington Palace (@KensingtonRoyal) April 27, 2018
واضح رہے کہ شہزادہ ولیم اور شہزادہ کیٹ مڈلٹن کے ہاں 23 اپریل کو لندن کے سینٹ میری اسپتال میں بیٹے کی پیدائش ہوئی تھی۔
