The news is by your side.

Advertisement

امریکی شہری برطانوی شاہی شادی کے کیک کھانے لگے

نیویارک: برطانوی شہزادے ہیری اور امریکی اداکارہ میگھن مارکل کی شادی کا جنون امریکا تک پہنچ گیا، واشگنٹن کے باورچی نے شاہی طرز کے کپ کیکس تیار کیے جنہیں خریدنے میں لوگ دلچپسی ظاہر کررہے ہیں۔

تفصیلات کے مطابق برطانیہ کے شہزادے اور لیڈی ڈیانا کے چھوٹے صاحبزادے پرنس ہیری نے امریکی اداکارہ میگھن مرکل سے منگنی گذشتہ برس دسمبر میں کی جس کی شاہی خاندان نے تصدیق کرتے ہوئے رواں سال شادی کا اعلان بھی کیا تھا۔

 شاہی خاندان کی جانب سے شادی کی تاریخ 19 مئی 2018 مقرر کی گئی ہے، جیسے جیسے شاہی شادی قریب آرہی ہے برطانیہ میں اس کی تیاری مزید تیز ہوتی نظر آرہی ہیں۔

برطانیہ کے علاوہ امریکا کے شہری بھی شاہی شادی کے حوالے سے دلچسپی لے رہے ہیں، اس بات کا ثبوت دیکھ کر امریکی حکام اُس وقت ورطہ حیرت میں مبتلا ہوئے کہ جب شیف نے شاہی طرز کے کپ کیکس تیار کر کے انہیں فروخت کرنے کا اعلان کیا۔

مزید پڑھیں: برطانوی شہزادے اور میگن مارکل کی شادی، خصوصی کپ تیار

سماجی رابطے کی ویب سائٹ پر گزشتہ ماہ کی 20 تاریخ کو شاہی شادی میں پیش کیے جانے والے کیکس کی تصویر شیئر کی گئیں جنہیں مقامی بیکر نے تیار کیا۔

انہی تصاویر کو مدنظر رکھتے ہوئے امریکی شیف نے بھی پرنس ہیری اور میگھن مارکل کی شادی کا کیک تیار کر کے انہیں فروخت کرنے کا اعلان کیا، عوام نے جیسے ہی یہ خبر سنی تو وہ بڑی تعداد میں خریدنے کے لیے پہنچے۔

امریکی شیف کا کہنا تھا کہ ’میں نے شاہی شادی میں پیش کیے جانے والے کیکوں کو مدنظر رکھتے ہوئے انہیں تیار کیا، اب امریکا کے عوام تقریب میں شرکت کرنے والے مہمانوں سے قبل ہی ان سے محظوظ ہوجائیں گے‘۔

واضح ہے کہ چھوٹے نواب کی شادی 19 مئی کی دوپہر سینٹ جارج چیپل کے ونڈسر کاسل میں منعقد کی جائے گی اس ضمن میں تیاریاں آخری مراحل میں داخل ہوچکیں، شادی میں شرکت کے لیے خصوصی دعوت نامے چھپوائے گئے جنہیں مخصوص مہمانوں کو ارسال بھی کیا گیا۔

یہ بھی پڑھیں: برطانوی شہزادے پرنس ہیری اور میگن مارکل کی شادی کب ہوگی، تاریخ کا اعلان

شاہی خاندان کے پروگرام کے مطابق شادی کی تقریب کے سلسلے میں مہمانوں کے لیے ظہرانے کا اہتمام بھی کیا جائے گا جس کی میزبانی خود ملکہ برطانیہ الزبتھ کریں گی بعد ازاں مذہبی رسم منعقد کی جائے گی۔ لیڈی ڈیانا کے چھوٹے صاحبزادے اور اُن کی اہلیہ کا فوٹو سیشن ونڈسر کیسل کے باہر واقع پارک میں ہوگا، اس ضمن میں ملک کے نامور فوٹو گرافرز میں سے چند کو انٹرویو کے بعد فائنل بھی کردیا گیا۔

واضح رہے کہ شہزادہ ہیری نے کسی شہزادی کا چناؤ نہیں کیا بلکہ انہوں نے بڑے بھائی کی طرح ایک عام سی اداکارہ کو اپنا شریک سفر بنانے کا اعلان کیا تھا کیونکہ لیڈی ڈیانا کے بڑے صاحبزادے پرنس ولیم نے بھی ایک عام سی لڑکی کیٹ مڈلٹن کو اپنی شریک حیات بنا کر ملکہ کا رتبہ دیا تھا۔

یہ بھی دیکھیں: برطانوی شہزادے ہیری اور اداکارہ میگھن مرکل کی نئی رہائش گاہ، تصاویر منظر عام پر

شہزادہ ہیری کی عمر32سال ہے جبکہ ان کی منگیترامریکی اداکارہ میگھن مرکل اُن سے چار سال بڑی ہیں، یہ دونوں آپس میں گہرے دوست بھی ہیں۔  یاد رہے کہ دونوں شہزادوں کی والدہ لیڈی ڈیانا بھی کسی سلطنت کی شہزادی نہ تھیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں