The news is by your side.

Advertisement

میگھن مرکل اور پرنس ہیری کی شادی، دلہن کے والد شریک نہیں ہوں گے

لندن: برطانوی شہزادے پرنس ہیری اور امریکا سے تعلق رکھنے والی میگن مارکل کے والد تھامس  کے بارے میں کہا جارہا ہے کہ شادی کی تقریب میں شریک نہیں ہوں گے۔

تفصیلات کے مطابق برطانیہ کے شہزادے اورلیڈی ڈیانا کے چھوٹے صاحبزادے پرنس ہیری کی منگیتر امریکی اداکارہ میگھن مرکل کے والد  کے شرکت نہ کرنے کی افواہیں گردش کررہی ہیں ، تاہم اس بارے میں ان کی دوسری صاحب زادی نے کہا ہے کہ امید ہے کہ ہمارے والد تقریب میں شریک ہوں گے۔

امریکی ملکی خبر رساں ادارے کے مطابق امریکی اداکاری میگن مارکل کے والد کی شادی میں شرکت نہ کرنے کی خبریں پہلے سے گردش کررہی تھیں۔ ایک امریکی جریدے  نے دعویٰ کیا ہے کہ میگھن کے والد نے ان سے گفتگو کرتے ہوئے کہا کہ ’ میں  اپنی بیٹی کو شرمدنہ نہیں کرنا چاہتا اس لیے میں نے فیصلہ کیا ہے کہ میں اپنی بیٹی میگھن مارکل اور پرنس ہیری کی شادی میں شرکت نہیں کروں گا‘۔

کینزنگٹن محل نے میگن مارکل کے والد کی شادی میں شرکت کرنے یا نہ کرنے کے حوالے سے بیان جاری ہوا ہے کہ ’یہ مس مارکل کا انتہائی خاص اورنجی معاملہ ہے‘۔

غیر ملکی خبر رساں ادارے کا کہنا تھا کہ برطانوی جریدے میں میگن مارکل کے والد تھامس کی شائع ہونے والی تصاویر کو دیکھ کر ایسا لگ رہا تھا کہ جیسے وہ اپنی بیٹی کی شادی میں شرکت کرنے کے لیے سوٹ تیار کروا رہے ہوں۔

غیر ملکی خبر رساں سے گفتگو کرتے ہوئے میگن مارکل کی بہن سمانتا مارکل کا کہنا تھا کہ ’میں امید ہے کہ ہمارے والد میگن کی شادی میں ضرور شرکت کریں گے‘۔

سمانتا مارکل نے برطانوی خبر رساں ادارے سے بات کرتے ہوئے کہنا تھا کہ ’والد کی تصاویر اچھی نیت کے ساتھ لی گئی ہیں ، تاہم ان کی عمر 73 سال ہے اور انہی امراض  قلب کے ساتھ ذہنی دباؤ کا بھی سامنا ہے۔

ان کا کہنا تھا کہ ’میڈیا نے تھامس مارکل کی تصاویر کے ذریعے ان کی امیج کو خراب کرنے کی کوشش کی ہے‘۔

غیر ملکی خبر رساں ادارے کا کہنا تھا کہ میگھن مرکل اور پرنس ہیری نے میگھن کے والد تھامس مرکل کی طبعیت کو دیکھتے ہوئے شادی کی تاریخ کو آگے بڑھانے کا پوچھا تھا‘۔


برطانوی شہزادے پرنس ہیری اور میگن مارکل کی شادی کب ہوگی، تاریخ کا اعلان


یاد رہے کہ برطانوی نشریاتی ادارے کے مطابق شاہی خاندان کے چھوٹے نواب کی شادی 19 مئی کی دوپہر سینٹ جارج چیپل کے ونڈسر کاسل میں منعقد کی جائے گی اس ضمن میں تیاریاں زور و شور سے جاری ہیں۔

پرنس ہیری کی شادی کے خصوصی دعوت نامے تیار کیے گئے تھے جن کا رنگ سنہری ہے، تقریب میں شرکت کے لیے 6 سو افراد کو یہ کارڈ ارسال کیے جاچکے ہیں۔

خیال رہے کہ شاہی خاندان کے مطابق شادی کی تقریب کے سلسلے میں مہمانوں کے لیے ظہرانے کا اہتمام بھی کیا جائے گا جس کی میزبانی ملکہ برطانیہ الزبتھ خود کریں گی بعد ازاں مذہبی رسم بھی منعقد کی جائے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں