site
stats
اہم ترین

لاہور: رویت ہلال کمیٹی کا اجلاس کل طلب، عید بدھ کو ہونے کا امکان

لاہور:عید الفطر کا چاند دیکھنے کےلیے مرکزی رویت ہلال کمیٹی کا اجلاس کل لاہور میں طلب کرلیا گیا جس کی صدارت مفتی منیب الرحمن کریں گے، ماہرین موسمیات کے مطابق عید الفطر بدھ کو ہونے کا قوی امکان ہے۔

اطلاعات کے مطابق اجلاس لاہور ہائی کورٹ کے منعقد قریب ہوگا جس میں مرکزی رویت ہلال کمیٹی کے تمام ممبران شرکت کریں گے ۔

ضلعی رویت ہلال کمیٹیوں کا اجلاس بھی مختلف شہروں میں اسی وقت منعقد ہوگا جو چاند دیکھنے کی شہادتیں جمع کرکے مرکزی کمیٹی کو آگاہ کریں گی بعدازاں مرکزی کمیٹی بدھ کو عید ہونے یا نہ ہونے کا فیصلہ کرے گی۔

واضح رہے کہ ماہرین موسمیات نے چاند منگل کو نظر آنے اور بدھ کو عید الفطر ہونے کی پیش گوئی کی ہے۔

دوسری جانب خیبر پختونخوا کے علمائے کرام کو مرکزی رویت ہلال کمیٹی سے ایک مدت تک شکایت رہی کہ رویت ہلال کےمعاملےمیں ان کی شہادتیں قبول نہیں کی جاتیں تاہم رمضان المبارک کے چاند کے معاملے میں وفاقی وزیر برائے مذہبی امور سردار یوسف کی کاوشوں سے کئی برس بعدرمضان المبارک کا آغاز ایک ساتھ ہوا اور پشاورکی مسجد قاسم خان کےمفتی شہاب الدین پوپلزئی بھی راضی ہوگئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top